04 Shilde, 2020 NEWS

Qazaqstanda koronavırýs juqtyrǵandar sany 45 myńnan asty

Kórneki sýret

Qazaqstan densaýlyq saqtaý mınıstrliginiń 4 shildedegi deregi boıynsha, ótken táýlikte elde 1644 adamnan koronavırýs tabylǵan.

Vedomstvo jarııalaǵan statıstıkada juqtyrǵandar sany jóninen Atyraý oblysy kósh basynda tur. Bul óńirde ótken táýlikte 377 adamnan COVID-19 anyqtalǵan. Olardyń 325-i sımptomsyz naýqastar.

Aımaqtar boıynsha tolyq statıstıka tómendegideı:                                 

 (jalpy/sımptomsyz)

• Nur-Sultan qalasy - 71 / 34                                                                                 

•Almaty qalasy - 114 / 52

• Shymkent qalasy - 101 / 54

• Aqmola oblysy - 42 / 39

• Aqtóbe oblysy - 41 / 32

• Almaty oblysy - 117 / 93

• Atyraý oblysy - 377 / 325

• Shyǵys Qazaqstan oblysy - 152 / 81

• Jambyl oblysy - 82 / 66

• Batys Qazaqstan oblysy - 110 / 35

• Qaraǵandy oblysy - 76 / 48

• Qostanaı oblysy - 52 / 37

• Qyzylorda oblysy - 37 / 23

• Mańǵystaý oblysy - 114 / 105

• Pavlodar oblysy - 68 / 15

• Soltústik Qazaqstan oblysy - 19 / 11

• Túrkistan oblysy - 71 / 22

Sońǵy resmı aqparatqa sáıkes, elde koronavırýsqa shaldyqqandar sany 45 719 adamǵa jetip otyr. Osy ýaqytqa deıin olardyń 15276-y aýrýynan jazylyp shyqty. Al 188 adam indetten kóz jumdy. Densaýlyq saqtaý mınıstrligi sońǵy kúnderi ólgen adamdar týraly aqparat jarııalap jatqan joq. Buǵan deıin jańadan taǵaıyndalǵan densaýlyq saqtaý mınıstri Alekseı Soı kóz jumǵandar týraly aptasyna bir-aq ret málimet beriletinin habarlaǵan. 

Qazaqstanda koronavırýs juqtyrǵandar alǵash ret naýryz aıynyń basynda anyqtala bastady. Artynsha elde eki aıǵa jýyq tótenshe jaǵdaı rejımi jarııalanyp, qalalar karantınge jabyldy. Mamyr aıynyń ortasynda bılik tótenshe jaǵdaı rejımin alyp, karantın shekteýlerin jeńildete bastaǵanda vırýs juqtyrǵandar sany kúrt ósti. Sońǵy aıda elde kúnine kemi 1000 adamnan vırýs anyqtalyp júr. 

Qazaqstan bıligi vırýs juqtyrǵandar sany 40 myńnan asyp, elde jappaı tumaý men pnevmanııa órshı bastaǵanda qatań karantın rejımin engizýge kiristi. Qatań karantın rejımi 5 shildeden bastalmaq. 

Qazir eldegi dárihanalarda dári tapshy. Aýrýhanalarǵa naýqastar syımaı jatyr. 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir