• USD 468.56

  • EUR 497.56

  • RUB 7.3

  • CNY 67.18

28 Naýryz, 13:26:00
Almaty
+35°

Qoǵam qaıratkeri, Qazaqstannyń tuńǵysh prezıdentiniń kenje qyzy Álııa Nazarbaeva belgili aqyn Almas Ahmetbektiń shyǵarmashylyǵyn joǵary baǵalap, onyń týyndylary orys tiline aýdyratynyn aıta otyryp, aqynǵa elge sińirgen eńbegi úshin alǵys bildirdi.

"Men burynyraq jarııalaǵan "QAZAQ ELI – ÁR QAZAQTYŃ JALǴYZY" óleńin búgingi zamanymyzdyń alyp aqyny Almas Ahmetbekuly jazǵan. Bizdiń qor poetıkalyq týyndylardy orys tiline aýdarýmen aınalysady. Men ol kisige halqyna sińirgen eńbegi men mahabbaty úshin shyn peıilimmen alǵysymdy jetkizemin. Dál osyndaı shyǵarmalar adamdardyń aqyly men sezimin oıatady, olardyń boıyna otansúıgishtikti darytyp, oılanýǵa jeteleıdi. Almas Ahmetbekulynyń esimi poetıkalyq álemde erekshe orynǵa ıe. Onyń lırıkalyq óleńderi tereń oıly obraz ben shynaıy sezimge tunyp tur" dep jazdy Álııa Nazarbaeva ınstagramdaǵy paraqshasynda.

Sondaı-aq ol aqynnyń shyǵarmalaryna toqtalyp, "Kók týdyń jelbiregeni" óleńi ulttyq rýhty kóterer týyndyǵa aınalǵanyn atap ótti.

"Almas Ahmetbekulynyń óleńderindegi erekshelik – kórkem-ádebı oı halyqtyń qarapaıym aýyzeki tili arqyly sheber órilgen. Bir sózben aıtqanda, onyń shyǵarmashylyǵynda til, obraz, boıaý men ıdeıa minsiz qabysady. Onyń erterekte jazylǵan "Týǵan jerim – balalyǵym, "Sáýirdiń bulty", "Aptap" jáne taǵy basqa óleńderi erekshe atap ótýge turarlyq. Al "Bozingen" óleńi dala daýysy degen qurmetke laıyq. Qazaqstan táýelsizdikke qol jetkizgen sátte Almas Ahmetbekuly alǵashqylardyń biri bolyp Otanyna oraldy. Elimizdiń egemendigi, baýyrlarymyzdyń atamekenine kelýi, óskeleń urpaqtyń boıyndaǵy jiger aqyn shyǵarmashylyǵyna jańa serpin berdi. Ol qoǵamdyq jumys pen ádebı shyǵarmashylyqqa belsene aralasty. Osy kezde patrıottyq rýhtaǵy "Kók týdyń jelbiregeni" óleńi dúnıege keldi. Aqyn ári kompozıtor Ermurat Zeıiphanuly óleńge áýen jazdy. Búginde bul án barlyq saltanatty jıyndarda, merekelerde, áskerı bólimderde, oqý oryndarynda shyrqalyp júr. Otan úshin qyzmet qylyp júrgenderdiń esimin árdaıym ardaqtaýǵa tıispiz" delingen qoǵam qaıratkeriniń jazbasynda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir