• USD 468.56

  • EUR 497.56

  • RUB 7.3

  • CNY 67.18

29 Naýryz, 19:35:42
Almaty
+35°

Sýret informburo.kz saıtynan alyndy

Aqsha jumsaýdy bala kezinen úırengen adam bolashaqta tabysty bola ala ma? Kúndelikti turmysta ata-ana balalaryna qalaı aqsha jınaý keregin úırete me? Osy saýaldardy ártúrli salada jumys istep júrgen mamandarǵa qoıyp kórdik.

Muratbek Ál-Shardarı, ınterer dızaıneri:

26 jasta, aılyq tabysy – 500 000 teńgeden joǵary

– Interer dızaınerimin. Memlekettik mekemelerge jóndeý jumystaryn júrgizemin. Stýdent kezimde qys, jaz aılarynda aýylǵa demalysqa baratynmyn. Sonda anam nan pisiretin, al men sol nandy bazarda satatynmyn. Al ákem "9 aı boıy demaldyń ǵoı" dep qurylysshylardyń qataryna qosyp qara jumysqa jiberip júrdi.

Sondaı-aq 15-16 jasymda ákem Forex saıtynan maǵan shot ashyp, 100 dollar salyp berdi. Kompanııalardyń aksııasyn satyp-alyp kórdim. Aksııalardy satý kezinde utylyp qaldym. Alaıda ákem "Aqshany nege qurttyń?" dep uryspady. Qazir oǵan asa qatty qyzyqpaımyn. Biraq qarjylaı saýat úshin jaqsy sabaq boldy.

Ata-anam adal jolmen tabys tabýdy, eńbek etýden uıalmaýdy úıretti. Ol kisiler tabysymnyń qadirin bilýdi erjetip, úılensem de áli úıretip júr.

 

Danııar Jigitbek, IT mamany:

29 jasta, aılyq tabysy – 200 000 teńgeden joǵary

pýt

– Naqty aılyq tabysym kommersııalyq qupııa bolyp qala bersin. Ata-anam aqsha tabýdan góri únemdeýdi kóbirek úıretken sııaqty. Ár tıynnyń esebin biletin edik. Kúnde aqsha ustata bermeıtin. Tek meıram, týǵan kún sekildi ataýly kúnderde ǵana aqsha berip, qydyryp kel deıtin.

Naqty bir tásil úıretti deı almaımyn. Ata-anamyzǵa qarap úlgi alyp óstik. Olar 2-3 jerde jumys isteıtin. Eńbekqor bolatyn. Sonyń ózi jetkilikti boldy.

 

Ánel Amraeva, veb jáne grafıka dızaıneri:

15 jasta, aılyq tabysy – 40 000 teńge

apap

– Veb jáne grafıka dızaınerimin. Aılyq tabysym klıent tapqanyma baılanysty ár aıda ártúrli. Qansha jumys istesem, sonsha aqsha tabamyn. Bári de óz eńbegime, izdenisime baılanysty. Otbasymyzda aqsha týraly dastarhan basynda qysylmaı aıta alamyz. Ákem kishkentaıymyzdan kopılkaǵa aqsha jınaýdy úıretti. "Aqsha jaman, aqsha – qoldyń kiri" degen sekildi sózderdi múlde aıtpaıdy.

 

Jazıra Seıtsultan, bala tárbıesimen úıde otyrǵan muǵalim:

23 jasta, aılyq tabysy – 0 teńge

– Ata-anamyz aqshany únemdep jumsaýǵa tárbıeledi. Tek kerek zattarymyzdy ǵana satyp alatynmyn. Al qalǵan aqshamdy kopılkaǵa salyp jınaıtynmyn. Osydan 2 jyl buryn mektepte muǵalim bolyp istedim. Ol kezde aılyǵym 80 000 tg bolǵan. Qazir bala kútimimen úıde otyrǵandyqtan eshqandaı tabysym joq.

 

Uljan Kerimqulova, qarjy keńesshisi, jeke kásipker:

53 jasta, aılyq tabysy – 1 000 000 teńgeden joǵary

– Kúndelikti turmysta ata-analar balamen birge aqsha jumsaýy kerek. Keı balalar aqsha jumsaý prosesin ǵana unatady. Alatyn zaty qajet pe, joq pa, mán bermeıdi. Al qarjy saýatyn ata-anasynan alǵan bala tek qajet zatyn ǵana satyp alady. Jaqynda balam ekeýmiz kitap dúkenine bardyq. Onyń qatty unatatyn bloknotyn kórip, "ala ǵoı" dedim. Ol bloknottyń ázir kerek emesin, basqa qajet nársesin alatynyn aıtty. Anasy bola tura ózim uıalyp qaldym.

Eresekter balaǵa aqsha jınaý men únemdeýdi úıretpes buryn ózderi qarjy saýatyn bilýi kerek. Kóp aqsha tabasyń degen batpan quıryq áńgimege senbeý kerek. Aqsha jınaý mádenıetin bilgen jón. Meniń áke-sheshem aqsha jınamady. Men de biraz jasqa kelgenshe aqshany qalaı jumsaý keregin bilmedim 12 jyl buryn shet eldiń adamdarynan tabystyń 10%-yn jınaýdy úırendim. Qazir balalarym da, tipti týǵan-týystarym da muny ádetke aınaldyrdy. Qarjylyq qory qalyptasqan adam nesıe, qaryzǵa jolamaıdy. Qosymsha aqsha qory bolady.

 

Daıyndaǵan: Qundyzaı О́tegen

 

 

 

 

 

Qundyzaı О́tegen

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: aqsha jumsaý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir