Foto: lsm.kz
Qazaqstannyń keı qalalarynda eki apta qatarynan senbi jáne jeksenbi kúnderi iri saýda oryndary jabyq bolǵan. Sonyń saldarynan Magnum jáne Metro jelileri mıllıondaǵan teńgege shyǵyn kórgen, dep habarlady lsm.kz.
Magnum-nyń PR-menedjeri Dmıtrıı Shıshkın jeli júz mıllıonǵa jýyq teńge qarjy joǵaltqanyn aıtty.
– Shyǵynnyń naqty somasy eseptelip jatyr. Eki apta aralyǵynda belgili bolady. Alaıda 20-21, 27-28 maýsym kúnderdegi shyǵyn júzdegen mıllıon teńge bolǵany boljanyp otyr. Bizden bólek jetkizýshilerimiz de shaǵynǵa batty. Sút ónimderi, jemis-jıdek pen kókenisterge tapsyrys demalys kúnderdegi joǵary suranys eskerilip berilgen. Shyǵyndardyń denin taýar túrin joǵaltqan ónimder quraıdy. Olar ondaǵan tonnadan asady. Negizinen otandyq taýarlar, – dedi ol.
Metro jelisiniń PR mamany Ásemgúl Syzdyqova da Nur-Sultan men Almatydaǵy saýda núkteleriniń jabylýynan jemis pen kókenis, et, sút, nan ónimderi sekildi saqtalý merzimi qysqa azyq-túlik taýarlary kategorııasynda kompanııa shyǵynǵa batqanyn jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir