03 Shilde, 2020 NEWS
Kórneki sýret
Halyqqa qyzmet kórsetý ortalyqtarynyń jabylýy týraly jalǵan aqparattyń taralýyna baılanysty, qyzmet alýǵa júginetin azamattardyń sany kúrt ósken. Ortalyq azamattardy dúrbeleńge berilmeýge shaqyrady. Vedomstvoaralyq komıssııanyń sheshimimen HQO-lar shekteý sharalary engizilgennen keıin de sanıtarlyq jáne dezınfeksııalyq talaptardy saqtaı otyryp, óz jumysyn jalǵastyrady.
"Qolaısyz epıdemıologııalyq jaǵdaıdy eskere otyryp, halyqqa qyzmet kórsetý ortalyqtarynda qorǵanys sharalary qabyldanyp, front-ofıs ǵımarattarynda azamattardyń jınalýyn boldyrmaýǵa baǵyttalǵan jumystar qolǵa alynǵan.
Búginde oblys ortalyqtarynyń, respýblıkalyq mańyzy bar qalalardyń jáne keıbir aýdan HQO-larynda qyzmetterdi tek aldyn ala bron jasaý arqyly ǵana alýǵa bolady. Muny egov.kz portaly, eGovKzBot2.0 telegram-botynyń kómegimen nemese 1414 qysqa nómirine qońyraý shalý arqyly jasaýǵa bolady.
Halyqqa qyzmet kórsetý ortalyqtarynda elektrondy úkimet portalynda qoljetimsiz, tek "qaǵaz" qyzmetter (100-den astam qyzmet) kórsetiledi.
Munyń bári azamattardyń kóptep jınalýyn boldyrmaýǵa jáne vırýs juqtyrý qaýpin azaıtýǵa baǵyttalǵan" delingen HQO baspasóz qyzmeti taratqan aqparatta.
Ortalyq basshylyǵy HQO-ǵa barýdan bas tartýǵa jáne balama ádisterdi qoldana otyryp, qyzmetterdi onlaın alýǵa keńes beredi.
O jumys kestesi:
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir