• USD 468.56

  • EUR 497.56

  • RUB 7.3

  • CNY 67.18

29 Naýryz, 16:58:41
Almaty
+35°

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly janaza rásimderin ótkizýge qatysty birqatar ózgeris jasaýdy túsindirdi.

– Abaı Qunanbaıuly Semeıge kelgen bir saparynda shaharda juqpaly indettiń tarap jatqany jaıynda jaısyz habar estıdi.

Birinshi kezekte, Abaı halyqqa janaza rásimderin ótkizýge qatysty birqatar ózgeris jasaýdy túsindirý keregin uqty. Mine, osy tusta ol ózi biletin Sarmolla esimdi moldany shaqyryp, oǵan halyq juqpaly aýrýdan saqtaný úshin janaza, hatym, astardy az adammen ótkizýdi jurtqa túsindirý keregin jetkizedi.

Sarmolla: «Qaza bolǵan adam úıine, janazaǵa halyq az jınalsyn. Máıit shyqqan úıge kóp adam kelmesin. Ol úıde as ishý, halyqqa taǵam taratý, jetisin, qyrqyn jasaý ýaqytsha toqtalsyn!» degen sózin jetkizedi. Biz tarıhtan sabaq alǵan, soǵan amal etken elmiz, – dedi Bas múftı.

Sonymen qatar karantın talaptaryn qatań saqtap, jıyn-toılar men sadaqa astarǵa múmkindiginshe barmaýǵa shaqyrdy.

– Qazaq halqy torqaly toı men topyraqty ólimde tóbe kórsetýdi óziniń mindeti sanaıdy. Toıda tilek aıtý nemese kisi qaıtqanda oǵan bir ýys topyraq salý – saltymyzǵa sińgen ǵuryptyń biri. Alaıda adamnyń ǵumyry – Allanyń amanaty. Oǵan adal bolý – adamdyq borysh. Nemquraıly qaraý – qaýip pen qaterge aparady. Sondyqtan eldegi barsha jamaǵatty osy bir qıyn kezeńde barynsha saqtanýǵa, jıyn-toılar men sadaqa astarǵa múmkindiginshe barmaýǵa shaqyramyn, – dedi Naýryzbaı qajy Taǵanuly.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir