• USD 468.56

  • EUR 497.56

  • RUB 7.3

  • CNY 67.18

28 Naýryz, 18:16:47
Almaty
+35°

Almaty dárigerleri Covid-19 juqtyrǵan 80 jastaǵy aqsaqalǵa kúrdeli ota jasap, ómirine arasha tústi, dep habarlaıdy qala ákimdiginiń baspasóz qyzmeti.

Qalalyq qoǵamdyq densaýlyq basqarmasynyń habarlaýynsha, qarııa Ardagerler úıinen qalalyq kardıologııalyq ortalyqtyń jansaqtaý bólimine jetkizildi.

«Kelgende ol kisi basy aınalyp, esinen tanyp, aýa jetpeı, keýdesi aýyryp túsken. Elektrokardıografııaǵa sáıkes dárigerler qalypty jaǵdaıda mınýtyna 60-80 ret soǵýy tıis júrek mınýtyna 27 ret qana soqqanyn jáne qan tolyq júrmeı turǵanyn anyqtady. Naýqas birneshe jyl boıy jasandy kardıostımýlıator, elektrokardıostımýlıatormen ómir súrgen eken. Ýaqyt shekteýli bolǵandyqtan, onyń ústine mıy zardap shekkendikten reanımasııa bóliminde shuǵyl túrde ýaqytsha endokardıaldy stımýlıasııa ornatyldy. Sodan keıin júrek soǵysynyń jıiligi qalpyna tústi. Kelesi kúni ıntervensıondy arıtmologtar operasııa jasap, qurylǵyny aýystyrdy. Eger ýaqytynda medısınalyq kómek kórsetilmegende, naýqas qaıtys bolatyn edi. Qabyldanǵan sátte naýqasta eki jaqty pnevmonııa bar ekeni anyqtaldy. Pasıent Covid-19 juqtyrǵan. Bul dıagnoz operasııa barysyn qıyndatqany ras, biraq bizdiń mamandar jaqsy nátıje kórsetti», - deıdi bas dáriger Almat Qodasbaev.

Tekserý kezinde naýqastyń elektrostımýlıatorynyń qýaty taýsylǵany anyqtalǵan.

Operasııadan keıin naýqas juqpaly aýrýlar aýrýhanasyna koronavırýs ınfeksııasyn emdeýge jiberildi.

"Qamshy" silteıdi
Ilmek sózder: Almaty Covid-19

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir