Almatyda jyl sońyna deıin 167 avtobýs satyp alynady

Almatyda qoǵamdyq kóliktiń sany artady, dep habarlaıdy qala ákiminiń baspasóz qyzmeti.

Qalalyq ákimdiktiń málimetinshe, 2019 jyly Almatyǵa 450 jańa qoǵamdyq kólik jetkizildi. Onyń 260-yn - kommýnaldyq parkter, 190-y jeke tasymaldaýshylar satyp aldy. 260 avtobýs – gazben, 180 kólik - janar-jaǵarmaımen júredi. Sondaı–aq, 10 elektr avtobýsy bar.

«2020 jyly 167 qoǵamdyq kólik satyp alý josparda bar. Gazben júretin 120 avtobýsty kommýnaldyq parkter satyp alady. Jeke tasymaldaýshylar dızelmen júretin 40 avtobýs jáne elektrmen júretin 7 avtobýs alady», - dep habarlady ákimdik.

Sondaı-aq, Almatyda 10 mlrd teńgege uzyndyǵy 172 shaqyrym trolleıbýs jelisi jańartylyp jatyr. Bul jumys 2021 jyly aıaqtalady.

«2020 jyly 210 jańa standartty aıaldama ornatylady. Onyń 10-y - áleýmettik jaýapkershilik aıasynda ınvestor esebinen, 200-i - bıýdjet esebinen qoıylady»,– dep tolyqtyrdy ákimdiktegiler.