Mıanmadaǵy shahtada 113 adam qaza tapty

"Mıanmanyń soltústigindegi shahtada kem degende 113 adam qaza tapty" dep málimdedi jergilikti sheneýnikter. Olar ólim sanynyń odan ári artýy múmkin ekenin eskertti. Bul týraly Qamshy tilshisi Ál-Jazıra telearnasyna silteme jasap habarlaıdy.

"Oqıǵa beısenbi kúni Kachın shtatynyń Hpakant aımaǵynda qatty nóserden keıin bolǵan" dep jazdy Mıanma órt sóndirý qyzmeti Facebook paraqshasynda.

"Osy ýaqytqa deıin 113 adamnyń máıiti tabyldy" delingen habarlamada.

Mıanma órt sóndirý qyzmetiniń Facebook paraqshasynda ornalastyrylǵan fotosýretterde izdestirý-qutqarý tobynyń jumystary jarııalanǵan.