Alekseı Soı: Barlyq óńirde naýqastarǵa oryn jetispeıdi

Qazaqstannyń barlyq óńirlerine qosymsha koronavırýs juqtyrǵan naýqastar úshin tósek oryn qajet. Bul týraly densaýlyq saqtaý mınıstri Alekseı Soı málimdedi.

Onlaın brıfıng kezinde mınıstrden qazirgi ýaqytta shıpajaılar men sport mekemeleri qoldanysqa berilip jatsa, elorda men Almatyda juqpaly aýrýlarǵa arnalǵan emhanalardyń soǵylýy qanshalyqty qajet ekeni týraly suraldy.

– Qajettilik týyndaýy mindetti túrde bolady, sebebi barlyq oryndar tolǵan, barlyq óńirleride qosymsha tósek oryn qajet. Sonyń ishinde jańa aýrýhana salynǵan qalalar da bar. Ol jerde qazir oryn bolmaǵandyqtan biz basqa da medısınalyq mekemelerden jańa tósek oryndar daıyndap jatyrmyz, – dedi Alekseı Soı búgin Ortalyq kommýnıkasııalar qyzmetinde ótken baspasóz máslıhatynda.