02 Shilde, 2020 NEWS

Qytaı Ulybrıtanııaǵa qatań eskertý jasady

Getty

Beıjiń Gonkong turǵyndaryna Ulybrıtanııanyń ulttyq tólqujat berýin toqtatýyn eskertip, Londonǵa qatań eskertý jasady. Bul týraly Qamshy tilshisi The Guardian gazetine silteme jasap habarlaıdy.

Ulybrıtanııadaǵy Qytaı elshisi Lıý Sıaomınnyń aıtýynsha, London halyqaralyq zańdardy buzyp otyr. Elshi Qytaıdyń ulttyq qaýipsizdik týraly jańa zań jobasynan qashqan Gonkong turǵyndaryn Ulybrıtanııanyń qabyldaý quqy joq ekenin jáne mundaı qadamdy toqtatý úshin Beıjiń "tıisti sharalar" qabyldaıtynyn aıtqan.

Qytaı elshiliginiń eskertpeleri premer-mınıstr Borıs Djonson burynǵy brıtandyq kolonııanyń 3 mıllıonǵa jýyq turǵynyna "Sheteldegi Ulybrıtanııa azamaty" mártebesine ıe qujat pen turý quqyǵyn usynýǵa ýáde bergen soń kelgen.

Ulybrıtanııanyń syrtqy ister mınıstri Domınık Raab eger gonkongtyqtardyń Ulybrıtanııaǵa kelýine Beıjiń jol bermeýge tyryssa, Qytaıdy "májbúrleý" úshin Londonnyń kúshi jetkiliksiz ekenin moıyndaǵan.

Beısenbide Qytaıdyń Ulybrıtanııadaǵy elshisi "bul oqıǵa eki el arasyndaǵy kelisimderdi buzady" dep málimdegen jáne Brıtanııanyń ulttyq qaýipsizdik zańnamasyn "jaýapsyz jáne negizsiz" dep atap, synǵa alǵan.

– Biz buǵan tolyqtaı qarsylyq bildiremiz jáne tıisti sharalar qabyldaý quqyǵyn saqtaımyz. Ulybrıtanııanyń Gonkongtyń egemendigine, zańdaryna qatysy joq nemese qadaǵalaý quqyǵy da joq, – degen Qytaı elshisi beısenbi kúni elshiliktiń saıtynda jarııalanǵan habarlamada.

Beısenbide Avstralııanyń premer-mınıstri Skott Morrıson Beıjińniń "óte mańyzdy" sheshiminen keıin Gonkong turǵyndaryn qaýipsiz baspanamen qamtamasyz etý shemasy boıynsha Avstralııa bıliginiń jumys istep jatqanyn aıtty. Morrıson Avstralııa "qoldaý kórsetýge daıyn" dep málimdegen. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir