– Árbir pán boıynsha úıge repetıtor jaldap, kúnine eki-úsh saǵattan daıyndalýǵa týra keldi. Olar maǵan kóp kómektesti. Meniń oıymsha, jaqsy nátıjege qol jetkizý úshin repetıtormen jeke jumys istegen durys. Árıne, ata-anam men ustazdaryma da kóp qoldaý kórsetkeni úshin alǵys aıtqym keledi, – dedi Aıdos.

Bolashaq stýdenttiń endigi  jospary –   joǵary  áskerı oqý ornyna túsý úshin normatıvter men qujattaryn daıyndaý. 

–  Men shekara qyzmetin tańdadym. Bul –  óte tamasha mamandyq dep oılaımyn. Jalpy test tapsyrý kezinde telefon nemese shpargalka alyp kirý qıyn, al ótip ketken kúnniń ózinde ony qoldaný múmkin bolmaıdy. Sondyqtan men  óz bilimime senýge tyrystym, –  deıdi ol.

2020 jylǵy 23-30 maýsym aralyǵynda Pavlodar qalasynyń 37 jalpy bilim berý mektepteriniń 933 (81%) túlegi UBT-ǵa qatysqan. Onyń 378-i testti qazaq tilinde tapsyrǵan.

Aqbota Seısenbaeva