• USD 405.69
  • EUR 455.51
  • RUB 5.72
  • CNY 57.42

01 Shilde, 2020 NEWS

Koronavırýsqa baılanysty jalǵan aqparat taratqan áıel anyqtaldy

kazinform.kz

Búgin áleýmettik jelide «Saryaǵash aýdanynda tústen keıin vırýs sebiledi eken, balalardy dalaǵa shyǵarmańyzdar» degen aqparat taratylǵan. Alaıda aqparattyń jalǵan ári shyndyqqa janaspaıtyny anyqtaldy. Bul týraly Túrkistan oblysy ákiminiń baspasóz qyzmeti habarlady.

"Qazirgi ýaqytta Otyrar aýdanynyń 1973 jyly týǵan turǵyny anyqtaldy. Áıel WhatsApp arqyly jalǵan aqparat taratqan. Osylaısha ol ákimshilik jaýapkershilikke tartyldy" delingen habarlamada.

Túrkistan oblysynyń baspasóz qyzmeti turǵyndardan osy sekildi mátinde jarııalanǵan aqparattarǵa senbeýge shaqyryp, dálel-dáıeksiz, el ishin dúrliktiretin aqparat taratqandardy QR Qylmystyq kodeksiniń 274 baby "Kórineý jalǵan aqparat taratý" boıynsha jaýapqa tartylatynyn eskertti.

Áıel ózine habarlama messendjerdegi basqa toptardan kelgenin aıtty. Ol aqparattyń jalǵan ekenin bilmegenin jáne budan keıin mundaı jalǵan málimet taratpaıtynyn jetkizdi.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir