• USD 412.55
  • EUR 465.73
  • RUB 5.79
  • CNY 58.91

01 Shilde, 2020 NEWS

Ońdasyn Orazalın: Men aqtóbelik dárigerlerdiń tájirıbesi men biliktiligine senemin

qamshy.kz

Búgin oblys ákimi Ońdasyn Orazalın óńirdegi aq halattylarmen kezdesti. Jıynǵa oblys ákiminiń orynbasarlary, densaýlyq saqtaý basqarmasynyń basshylyǵy, jáne medısınalyq mekemelerdiń bas dárigerleri qatysty.

Kezdesý barysynda Covid-19, pnevmonııaǵa shaldyǵýshylardy emdeýge qatysty máseleler talqylandy.

– Bizdiń jaǵdaıymyzdy syrttan kelip eshkim sheshpeıdi. О́z kúshimizge senýimiz kerek. Buǵan deıin de aıtqandaı men aq halattylardyń jaýapkershiligi men biliktiligine, tájirıbesine senemin. Qolymyzdan kelgenshe bar jaǵdaıdy jasaımyz – dedi aımaq basshysy

Buǵan deıin dárigerlerdiń usynysymen orta eseppen 100-200 orynǵa arnalǵan kúndizgi stasıonar jumys jasaýdy bastaǵan. Oblysta naýqastardy qabyldaýǵa arnalǵan oryndar sany jetkilikti. Jaqynda qosymsha «Darý», emdeý mekemesinen 150 oryn ashylyp, naýqastardy qabyldaý jumystary júrgizilmek. «Aqbóbek» emdeý mekemesiniń talapqa saı keletindigi tekserilýde.

Oblystyq týberkýlezge qarsy dıspanserde úsh, Temir jol aýrýhanasynda tórt jasandy jeldetý apparaty (IVL) bar. Jalpy oblysta 125 apparat bar. Taǵy 50-in aldyrtý ústinde. Onyń 30 búgin beriledi. Bas dárigerleri osy qurylǵynyń sanyn arttyrý qajettigi týraly usynystaryn bildirdi. Sonymen qatar, naýqastarǵa qyzmet kórsetýde dáriger sanynyń jetispeýshiligine baılanysty, aýdandyq aq halattylar men medısına mamandyǵynda bilim alatyn stýdentter jumyldyrylatyn bolady. Iаǵnı, M.Ospanov atyndaǵy medısınalyq akademııasynyń 112 rezıdenti men 165 oqytýshylyq-professorlyq quramy tartyldy.

Jedel járdem qyzmeti men provızorlarǵa qosymsha kómekke Aqtóbe medısınalyq kolledjiniń stýdentteri qol ushyn sozady. О́ńir basshysy dárigerlerdiń janqııarlyq eńbekterine alǵys bildirip, qıyn kezeńdi birge jeńetinderine senim bildirdi. Jáne joǵaryda atalǵan usynystarǵa qarjylyq turǵydan qoldaý kórsetiletindigin jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir