Toqaev: Reseıdiń joǵary basshylyǵyna rızashylyǵymdy bildiremin

Qazaqstan prezıdenti Qasym-Jomart Toqaev Twitter-degi paraqshasynda Reseıdiń úkimeti men joǵary basshylǵyna rızashylǵyn bildiretin jazba jarııalady.

"Reseı úkimeti koronavırýs pandemııasyna qarsy kúresý úshin Qazaqstanǵa gýmanıtarlyq kómek berý týraly sheshim qabyldady. Reseıdiń joǵary basshylyǵyna der kezinde medısınalyq preparattar men dáriler jetkizgeni úshin rızashylyǵymdy bildiremin" dep jazdy Toqaev.

Buǵan deıin birqatar BAQ Reseı Qazaqstanǵa dári-dármek jáne shyǵys materıaldarymen birge test júıeleri túrinde gýmanıtarlyq kómek, juqpaly aýrýlar gospıtaldary men vırýsologııalyq zerthanalardy ashý boıynsha mamandar jiberetinin jazǵan edi.

Sońǵy resmı aqparatqa sáıkes, elde 41 055 adamnan koronavırýs tabylǵan. Osy ýaqytqa deıin olardyń 13558-i jazyldy, 188-i kóz jumdy. 

Qazaqstan bıligi elde koronavırýsqa baılanysty 16 naýryzda bastalyp 2 aıǵa jýyq  sozylǵan tótenshe jaǵdaı rejımin alyp tastaǵan soń vırýs juqtyrǵandar sany kún saıyn kóbeıip jatyr. Maýsym aıynyń basynan beri elde kúnine 1000-nan astam adamnan vırýs tabylyp júr.