Almatyda koronavırýspen kúresýge medqyzmetkerler men volonterler qajet

Almaty qalalyq qoǵamdyq densaýlyq saqtaý basqarmasynyń bastyǵy Kamaljan Nadyrov qaladaǵy juqpaly jáne provızorlyq aýrýhanalarda medısınalyq kadrlar jetispeı jatqanyn aıtty, dep habarlady coronavirus2020.kz saıty.

– О́kinishke qaraı, pandemııa uzaqqa sozyldy. Tórt aıdan beri meniń áriptesterim aldyńǵy qatarda, táýlik boıy pandemııamen kúresýde. Qalyptasqan kúsh-jigerge qaramastan, jaǵdaı bizden qosymsha kúsh jumyldyrýdy, qosymsha aýrýhanalar uıymdastyryp, alǵashqy medısınalyq-sanıtarlyq kómekti kúsheıtýdi talap etedi, – dedi Kamaljan Nadyrov.

Onyń aıtýynsha, osyǵan baılanysty medısınalyq kadrlardyń qazirgi jáne bolashaqtaǵy qajettiligin qamtamasyz etý úshin qosymsha mamandardy jumyldyrý qajet bolyp otyr.

– Qazirgi ýaqytta juqpaly aýrýhanalarda, provızorlyq stasıonarlarda jáne zerthanalarda jumys isteıtin dárigerler, orta jáne kishi medısına qyzmetkerleri, volonterler qajet. Biz medısına qyzmetkerlerin pandemııamen kúresýge kómektesýge shaqyramyz, – dedi ol.