Reseı koronavırýspen kúreste Qazaqstanǵa maman jiberýi múmkin

Qazaqstan Respýblıkasynyń premer-mınıstri Asqar Mamın Reseı Federasııasy úkimetiniń tóraǵasy Mıhaıl Mıshýstınmen telefon arqyly sóılesti.

"Taraptar saýda-ekonomıkalyq jáne kólik salalaryndaǵy ekijaqty yntymaqtastyqtyń, sondaı-aq EAEO aıasyndaǵy ónerkásiptik kooperasııa men ózara is-qımyldyń ózekti máselelerin talqylady.

COVID-19-dyń taralýyna qarsy kúrestegi birlesken sharalarǵa erekshe kóńil bólindi. Reseı tarapy Qazaqstanǵa dári-dármek jáne shyǵys materıaldarymen test júıeleri túrinde gýmanıtarlyq kómek kórsetýge, sonymen qatar juqpaly aýrýlar gospıtaldary men vırýsologııalyq zerthanalardy ashý boıynsha mamandardy QR-ǵa jiberýge daıyn ekenin bildirdi", delingen premer-mınıstr saıtynda.