Vıdeodan alynǵan
Jambyl oblysy Jýaly aýdany ortalyq aýrýhanasyna qarasty emhana qyzmetkeri Farıda Janbatyrova prezıdent Qasym-Jomart Toqaevqa vıdeoúndeý joldady.
Farıda Qanatbekqyzy karantın kezinde indettiń aldyn alý sharalaryna baılanysty birinshi bekette rentgen laborant bolyp jumys istegen. Onyń sózinshe, basshylar úkimetten berilgen qarjyny qaıtarýyn talap etken.
"Qazaqstan Respýblıkasynyń Prezıdenti Qasym-Jomart Toqaevqa!
Men Janbatyrova Farıda Qanatbekqyzy 1995 jyldan bastap Jýaly aýdany ortalyq aýrýhanasyna qarasty emhanada rentgen laborant bolyp qyzmet atqaramyn. 2020 jyldyń sáýir aıynan bastap aýrýhanaǵa kireberis jerdegi birinshi bekette tańǵy saǵat 07:30-dan keshki 17:30-ǵa deıin jumys istedim. Sáýir aıynda esepshotymyzǵa aılyǵymyzǵa qosymsha retinde úkimetten 160 myń teńge tústi. Oǵan kóp-kóp raqmet aıtamyn. Endi bizdiń emhana basshylary osy 160 myń teńgeniń 39 myń teńgesin qaıtarýymyzdy talap etti. Nege dep suraǵanymda "Joǵarydaǵy basshylardyń talaby, solarǵa qaıtaryp beremiz" dedi. Bekette otyrǵan barlyq qyzmetkerden aqshany tolyq jınap aldy. Mende sol aqshany óz qolymmen aparyp berýge májbúr boldym" delingen vıdeoúndeýde.
Másele boıynsha Qamshy tilshisi Jambyl oblysy densaýlyq saqtaý basqarmasyna habarlasqanynda, basqarmadaǵylar eshqandaı aqparat bere almaıtynyn, atalǵan derek boıynsha sybaılas jemqorlyqqa qarsy kúres basqarmasymen birigip arnaıy komıssııa qurylǵanynyn aıtty. Oqıǵanyń mán-jaıy komıssııa tekserisiniń qorytyndysy boıynsha málimdeletinin jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir