Qytaı Gonkong týraly daýly zańdy qabyldady

Qytaı parlamenti Gonkong úshin ulttyq qaýipsizdik týraly zań qabyldady. Bul týraly Qamshy tilshisi BBC-ge silteme jasap habarlaıdy.

Ulybrıtanııanyń burynǵy kolonııasy bolǵan Gonkong Beıjińniń basqarýyna ótkennen 23 jyldan keıin qalaǵa túbegeıli ózgerister engizildi. BBC aqparatynsha, zań jobasy Gonkongte jıi ótkiziletin demokratııalyq narazylyqtarǵa jaýap retinde qabyldanǵan. Al qytaılyq memlekettik BAQ-tardyń málimetinshe, zań terrorızm, separatızm jáne sheteldik kúshtermen kelisimdi boldyrmaýǵa baǵyttalǵan.

Sheteldik sarapshylar zańnama jahandyq qarjy habynyń quqyqtary men bostandyqtaryna, sot táýelsizdigine, qalanyń erekshe mártebesine nuqsan keltiredi dep alańdaıdy.

Gonkong 1997 jyly Ulybrıtanııanyń baqylaýynan Beıjińniń basqarýyna ótken, biraq arnaıy kelisim boıynsha Gonkongtyń basqarý júıesine 50 jylǵa kepildik berilgen.