• USD 468.56

  • EUR 497.56

  • RUB 7.3

  • CNY 67.18

28 Naýryz, 13:47:30
Almaty
+35°

Halyq arasynda "Úkili bala" laqap atymen tanymal Erbolsyn Serikbaev búginde Aqtóbede turady. Emshi bala ol jaqta medısına salasy boıynsha kásibı bilim alyp júr. 3-kýrsty támámdady. Qamshy tilshisine suhbat bergen ol qandaı naýqastardy qabyldamaıtynyn, emi úshin qansha qarajat alatynyn aıtty.

Erbosyn 10 jasynan bastap kisi emdeı bastaǵan. Emshiniń sózinshe, mundaı qasıet arǵy ata-babalarynda da bolǵan.

– Jalpy bul kásip ish pysqanda aınalysatyn dúnıe emes, ıaǵnı bul meniń ómirlik jumysym. Men ózimdi erekshe adam sanamaımyn. Alla Taǵala meniń qolyma osyndaı daryndy bergen eken, qoldan kelgenshe barlyǵyn jasaýǵa tyrysamyn. Men kóripkel, ne balshy emespin, ondaı qasıetim de joq. Qazirge deıin qanshama adamdy emdep, olardyń senimine ıe bolyp kelemin. Árıne bul meniń jumysymnyń birden-bir nátıjesi dep bilemin. Aldyma kelgen adamdardy qamshy, odan keıin quranmen emdeımin, – deıdi Erbolsyn. 

"Úkili bala" ártúrli dıagnozben kelgen adamdardy emdeýge 5 nemese 15 kúndeı ýaqyt ketetinin aıtty.

– 9 jyldyq tájirıbıemniń arqasynda qandaı aýrýǵa qansha ýaqyt ketetinin bilip otyramyn. Adam balasy "ıá" nemese "joq" dep qolynan keletinin, ıa kelmeıtinin senimdi túrde aıtýy qajet. Meniń aldyma aýyryp kelgen adamdy emdep jibergennen keıin, ol ekinshi ret aýyryp kelmeıdi. Máselen, kózi –5 bolyp kelgen adamdar boldy. Men olarǵa 1 aıdyń ishinde –3,5/3-ke deıin kóziniń kórip ketýine yqpal jasadym. Kóbine meniń aldyma bala kótere almaı júrgen orta jastaǵy áıelder keledi. Sonymen qatar júregi aýyratyndar, múgedek jandar, kózi nashar kóretin, ótinde tasy bar adamdar kelip jatady. Jalpy men 70-ten joǵary jastaǵylardy múldem qabyldamaımyn. О́ıtkeni olardyń organızmi qartaıyp, sharshaǵan. Sonymen qatar týberkýlez, rak, ókpe aýrýlarymen aýyratyn naýqastardy da qabyldamaımyn. Qolymnan kelmeıtin iske kirisip, aqsha úshin halyqty aldaý oıymda joq, – deıdi ol.

Emshiniń sózinshe, qabyldaýyna kelgenderden naqty qarajat somasyn suramaıdy.

– Men halyqtyń aýrýyna em taba almaı, medısınalyq jolmen emdelýge qarajaty jetpeı keletinin bilemin. Sondyqtan belgili bir naqty qoıǵan baǵam joq. Kim qalaı bere alady, solaı alamyn. О́ıtkeni bireýdiń jaǵdaıy jetedi, bireýdiki jetpeıdi. Tipti qajet bolsa tegin de emdeımin. Tegin em alǵan pasıentter az emes. Kez kelgen taýardy satyp alarda aqysyn tóleıtiniń sııaqty em júrý úshin 100 teńge bolsyn bergen jón. Eń bastysy shekti qoıǵan baǵam joq, – deıdi emshi bala.

Emshi uzaq jylǵy eńbek arqasynda materıaldyq jaǵdaıynyń jaqsarǵanyn atap ótti. 

– Mendegi eń eleýli ózgeris – ataq-dańq. Kóptegen adam jumysymdy baǵalap, kórgen jerde óziniń oń kózqarasyn bildirip, syılap jatady. Kóbine emdeý jaǵynan usynystar Almaty jáne Nur-Sultan, Qostanaı qalalarynan túsedi. Sondaı-aq Máskeý, Orenbýrg, Peterbýrg syndy qalalardan da shaqyrý jıi alamyn. Osylaısha ártúrli adamdardy qabyldap, aıaqtan turyp ketýine septigimdi tıgizemin. Shyny kerek Qazaqstan halqynan góri, shet eldegi azamattar emdik qasıetimdi joǵary baǵalaıdy. Sondaı-aq jomarttyq tanytyp, úı tartý etken adamdar da boldy. Allaǵa shúkir qazirgi ýaqytta qalada 2 úıim, 1 kottedjim jáne 2 temir tulparym bar. Onyń bári de birinshi Allanyń arqasy, keıin osy eńbegimdi baǵalap jatqan adamdardyń arqasy. Munyń bári neshe jyldan beri jasap kele jatqan mańdaı ter men jumystyń nátıjesi.

Qazaqstanda medısına damyǵan bolsa, eldegi aýrýlardyń sany mundaı kóp bolmas edi. 

– Jalpy bizdiń elde medısına damymaǵan. Eger de bizdegi medısına damyǵan bolsa, aýrýlardyń sany mundaı kóp bolmas edi. Qazirgi ýaqytta joǵary oqý oryndarynda oqymaǵan, biliksiz dárigerler sany óte kóp. Keıde saý adamnyń ózin aýrý etip jatady. Onyń bári bilimsizdikten. Árıne kópke topyraq shashýǵa bolmaıdy, biraq aralarynda dıplomdy satyp alyp, adam taǵdyryna balta shapqan biliksiz mamandar da joq emes. Meniń medısına salasynda oqýymnyń basty sebebi – kásibı maman ataný. Iаǵnı óz salamdy ári qaraı damytyp, halyqqa kómektesý, – deıdi ol.

Emshi koronavırýs ınfeksııasy týraly eshteńe aıtqysy kelmeıtinin bul indetpen aýyryp jatqan naýqastardy qabyldamaıtynyn aıtty.

Nursulý Temirhanqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir