О́skemendik stýdent ámbebap robotty oılap tapty

О́skemendegi joǵary polıtehnıkalyq kolledjdiń stýdenti Vadım Shagalov gaz tútikterin tekseretin ámbebap robotty oılap tapty. Bolashaqta jas ónertapqyshtyń bul ónertabysy oblys ortalyǵyndaǵy zaýyttarda is-tájirıbe júzinde qoldanylady dep josparlanýda.

 

 

Búgin  atalmysh jobanyń prezentasııasy ótti. Vadım Shagalovtyń aıtýynsha, osy robottyń kómegimen gaz tútikterindegi kedergilerdi anyqtaýǵa bolady. Robotty telefon nemese noýtbýktiń kómegimen basqarýǵa múmkindik bar.

 

- Shyny kerek, jobaǵa aldaǵy ýaqytta birqatar tolyqtyrý engizý qajet. Robottyń elektrondy bóligin Arduino, Raspberry Pi jáne SLAMTEC sııaqty apparattyq-baǵdarlamalyq quraldardyń kómegimen jabdyqtadym. Jalpy, bul robot arqyly qoljetimsiz oryndardaǵy olqylyqtardy anyqtap, ony foto-vıdeoǵa túsirýge bolady, - dedi Vadım Shagalov.

 

Prezentasııa sońynda kolledj dırektory Vadım Shagalovqa jyly lebizin bildirip, alǵys hatty tabys etti.