Ashyq derekkóz
Memleket basshysy Qasym-Jomart Toqaev koronavırýspen kúreste aqparattyq jumystardyń mańyzdy ról atqaratynyn aıtty. Bul týraly prezıdenttiń baspasóz hatshysy Berik Ýálı Facebook paraqshasynda jazdy.
"Der kezinde habarlap, tıisti sharalar qabyldaýǵa kóp nárse baılanysty. Bastapqy kezeńde bul jumystar jaqsy uıymdastyryldy. Biraq memlekettik organdar sońǵy kezde bul isti bosańsytyp jiberdi.
Koronavırýs boıynsha úsh aı buryn arnaıy qurylǵan Respýblıkalyq kommýnıkasııalyq ortalyq qazirgi ýaqytta is júzinde jumys istemeıdi. Osyǵan sáıkes, búginde biryńǵaı naqty aqparattar deregi joq. Indetke qarsy kúreste jaýapty sheneýnikter teris aqparat berip, halyqty odan ári adastyrady. Eń jamany osy.
Ákimder men mınıstrler qarapaıym halyqpen baılanys ornatýdy qoıdy. Olardyń aryz-shaǵymdaryna der kezinde jaýap bermeıdi. Sondyqtan turǵyndardyń kópshiligi qaıda bararyn bilmeı, toryǵýda" dedi prezıdent.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir