qamshy.kz
Shymkent qalasynyń "Nursát" aýrýhanasynda 11 jastaǵy Balaýsa Nurjanqyzy leıkemııa aýrýynan emdelip jatyr. Ol bul aýrýmen 1,5 jyldan beri kúresýde. Qazirgi ýaqytta Balaýsanyń jaǵdaıy kúnnen-kúnge nasharlaýda. Denesine túrli jaralar shyǵyp, bir aıaǵyn basa almaı qalǵan.
Ol aýrýhanada qajetti em sharalaryn qabyldap júrgende S gepatıtin juqtyryp alǵan.
Naýqas osy ýaqytqa deıin 7 ret hımııa-terapııa qabyldaǵan. Alaıda jaǵdaıy jaqsarmady. Qazirgi ýaqytta emdelý úshin Reseıge barý kerek bolyp tur. Qajetti em sharalaryn qabyldaý úshin 250 myń dollardan asa qarajat qajet. Aýrýy asqynǵan Balaýsa áleýmettik jeli arqyly halyqtan kómek suraýda.
– Balalardyń bári basseınge shomylady. Al men bolsam, qarap otyramyn. Tisim de, aıaǵym da aýyrady. Men oınaı almaımyn... Meniń jata bergim kelmeıdi! Jatsam da yńǵaıymdy taba almaımyn... Baqytty ómir súrgim keledi! Meniń jazylǵym keledi!, – dep janaıqaıyn bildirdi Balaýsa.
"Nuraı̆" qaı̆yrymdylyq qorynyń basshysy Bolatbek Qońyrbaev búginnen bastap emge qarajat jınap bastaǵanyn jelidegi paraqshasynda habarlady.
– Biz áleýmettik jelige "Balaýsanyń 2 apta ómiri qaldy" dep QR Densaýlyq saqtaý mınıstri Alekseı Soı myrzanyń nazaryna qarata jazba jarııaladyq. Alaıda bul dertpen aýyratyndar uzaq ómir súrmeıdi. Sondyqtan ýaqyt barda qoldan kelgenshe kómek qolymyzdy sozyp, 100 mln – 225 mln teńge aralyǵyndaǵy qarjyny jınaýǵa atsalysaıyq, – dedi Bolatbek Qońyrbaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir