Qýandyq Shamahaıulyna bergen dáriniń aty belgili boldy

"Úıge qazir kirdim. Aısha ápkem qatty qınalyp jatyr. Esi kiresili-shyǵasyly. Bir-birinsiz tura almaıtyn, bir-biri dese, shyǵarda jandary bólek jandar edi ǵoı, amal qansha?..

Qýandyq aǵanyń túndegi jazbasynan soń, janushyra aýrýhanaǵa jetipti. Sóıtse, aǵa ádemi bop uıyqtap jatty deıdi. Kózin ashypty, “jaqsymyn, bara berińder” depti. Sap-saý edi deıdi. Tańǵy 6-da analız alypty. Sodan 9-da habar kelgen, qaıtys boldy degen.

Anar ápke meniń kishkene syrqattanyp júrgenimdi bilgen soń, óziń barmaı-aq, basqa áriptesińdi jibershi dep edi. Aısha ápke tańerteń maǵan ózi habarlasty. Anar ápkeniń sózinen soń, zańger izdep osynda jazǵan. Men ol eki ortada jolda bara jatyr edim. Meniń densaýlyǵymdy oılap jatqan ápkelerime kóp rahmet! Biraq Qýandyq aǵamen de, Aısha ápkemen týystaı bop aralasyp, úıinen dám tatyp júrip, mynadaı jaǵdaıda qaraqan basymdy oılap, úıden shyqpaı otyrýdy jón dep tappadym. Qasynda boldym, aýrýhanaǵa birge bardyq. Túsinbeıtin nárseler kóp. Ana qolhat ne qolhat, búkil ıstorııa boleznı, dıagnoz, bárin anyqtaımyz. Mınıstrge, Bas Prokýratýraǵa resmı hattar jazyp jatyrmyn. Búge-shigesine deıin tekserip, is qozǵatý jóninde. Baǵana birde-bir zatyn, (tipti uıaly telefonyn da) qolǵa bere almaımyz dedi. Analız nátıjesi shyǵý kerek eken. Nege kesh alyndy, nege tún ortasynda bir qaǵazǵa qol qoıdyrdy? Kókeıde suraq kóp. Shydamdylyqpen túbine jetemiz dep senem. Tek haıp qýǵan keıbir áriptester jumysqa kedergi keltirmese boldy. Hattardy jiberip bolǵan soń, aýrýhanaǵa taǵy baryp qaıtamyz. Bárin osynda jazyp otyram.

P.S. Aıtpaqshy, bergen dárileri “Alývııa” degen dári eken. Bárine berip jatyrmyz dedi. Táýelsiz dárigerlerden bergen emi jóninde de qorytyndy alamyz. Tek sál ýaqyt kerek. Sabyr!" delingen Lázzat Kendebaıqyzynyń jazbasynda.