• USD 412.55
  • EUR 465.73
  • RUB 5.79
  • CNY 58.91

22 Maýsym, 2020 NEWS

Almaty oblysynyń 10 eriktisi búgin Elbasynyń Alǵys hatymen marapattaldy

Foto Almaty oblysy ákiminiń baspasóz qyzmetinen alyndy

"Biz Birgemiz" respýblıkalyq aksııasynyń eń belsendi qatysýshysy bolǵan Almaty oblysynyń 10 eriktisi búgin Tuńǵysh Prezıdent – Ult Kóshbasshysy, "Nur Otan" partııasynyń Tóraǵasy Nursultan Ábishuly Nazarbaevtyń Alǵys hattarymen marapattaldy.

Marapattardy ıelerine oblys ákiminiń birinshi orynbasary Lázzat Turlashov tabys etti. 10 erikti qatarynda Ádilbek Aǵzambekov, Ásel Jumalıeva, Erjan Dáýletbaev, Aıana Serikova, Mádı Shakenov, Aımaral Dáýletbek, Móldir Máýlet, Abaı Hanatqanov, Nazerke Bolatbekova, Jazel Dakýbaeva. Olardyń barlyǵy áleýmettik áljýaz sanattaǵy adamdarǵa kómek kórsetýde belsendilik tanytty. Eki aıdan astam ýaqyt boıy jastar azyq-túlik, dári-dármekter men muqtajdarǵa arnalǵan quraldardy alyp kelgen.

- Qazir sizderdiń, ásirese álemdik indetpen kúres jaǵdaıynda jasap júrgen eńbekterińiz orasan zor. Bul eńbekterińiz nazardan tys qalǵan joq jáne budan bylaı da tasada qalmaıdy. Úlken júrek pen meıirban kóńilderińiz ózgelerge de,  ózderińizge de baqyt syılady, - dedi Lazzat Turlashov.  

О́z kezeginde eriktiler Elbasyna jáne oblys basshylyǵyna kóńil bólip, qoldaý kórsetkenderi úshin alǵysyn bildirdi.

Esterińizge sala keteıik," Biz Birgemiz "respýblıkalyq aksııasy aıasynda bıylǵy jyldyń 19 naýryzy men 17 maýsymy aralyǵynda "Baqytty otbasy", "Ardagerlerdi ardaqtaıyq", "Kedergisiz keleshek" jobalary aıasynda "Jas Otan" jastar qanatynyń belsendileri men eriktileri 25 myńǵa jýyq adamǵa kómek kórsetti. Jalpy somasy 253,83 mln. teńgege azyq-túlik jıyntyǵy, jeke gıgıena zattary, antıseptıkalyq quraldar, medısınalyq maskalar satyp alyndy.

Almaty oblysy ákiminiń baspasóz qyzmeti

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir