• USD 468.56

  • EUR 497.56

  • RUB 7.3

  • CNY 67.18

28 Naýryz, 16:23:31
+35°

Foto Almaty oblysy ákiminiń baspasóz qyzmetinen alyndy

"Jiger" múmkindigi shekteýli azamattardy quqyqtyq jáne áleýmettik qorǵaý jónindegi Almaty oblystyq qoǵamdyq birlestigi 2011 jyldan beri jumys istep keledi. Onyń basty baǵyty – jumyssyz áıelderdi jumysqa ornalastyrý. Birlestik bazasynda toqyma, qaıta óńdeý boıynsha tigin sehy jumys isteıdi. Bul týraly oblys ákiminiń baspasóz qyzmeti habarlady.

– "Áreket" jobasy aıasynda "Samruk-Kazyna Trust" áleýmettik jobalardy damytý qorynan utyp alǵan grant qarajatyna ónerkásiptik tigin jabdyǵy satyp alyndy, ol jumys oryndarynyń sanyn keńeıtýge múmkindik berdi. Halyqtyń áleýmettik osal toptarynan 12 áıel jumysqa ornalastyryldy.

Kásiporyn tósek-oryn jáne úı toqymasyn shyǵarýdy, sondaı-aq balalar kıimin tigýdi jolǵa qoıdy. Alaıda pandemııa óz áserin tıgizbeı qoımady. "Jiger" komandasy birden jaýap berdi: óndiris toqtaǵan joq, biraq qaıta jandandy. Endi kóp rettik qorǵanysh maskalaryn shyǵarý kerek dep sheshildi.

Biz birden ónimniń bir bóligin qaıyrymdylyqqa – kóp balaly jáne az qamtylǵan otbasylarǵa, zeınetkerlerge tabystaımyz dep sheshtik", – deıdi "Jiger" QB jetekshisi Ajar Qydyralına.

Karantın kezinde 10 000 maska tigilip, 4 000 maska qaıyrymdylyqqa berildi, qalǵandary satyldy. Tabys materıal satyp alýǵa jáne seh qyzmetkerleriniń eńbegine aqy tóleýge jumsaldy.

"Jiger" QB-niń jospary – Taldyqorǵan qalasynyń jumyssyz azamattaryna jumys oryndaryn usynyp, óz óndirisin keńeıte otyryp, ári qaraı óse berý.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir