• USD 412.55
  • EUR 465.73
  • RUB 5.79
  • CNY 58.91

29 Maýsym, 2020 NEWS

«Jýsan» operasııasy aıasynda terrorıstik belsendiligi bar elderden respýblıkaǵa Qazaqstannyń 163 áıel azamaty qaıtaryldy

ortcom.kz

Halyq arasynda zaıyrly qundylyqtardy ilgeriletý, konfessııaaralyq kelisimdi saqtaý jáne dinı ekstremızmniń aldyn alý sheńberinde 2019 jyly 3 mıllıon adamdy qamtıtyn 50 myńnan astam is-shara ótkizildi. Bul týraly Ortalyq kommýnıkasııalar qyzmetiniń alańynda AQDM basshysy Aıda Balaeva málimdedi.

Mınıstr atap ótkendeı, bul jumys quramynda 300 bilikti mamany bar aqparattyq-túsindirý toptarynyń jumysyna basty nazar aýdarylady. Osy qurylymdardyń tıimdiligin arttyrý úshin aǵymdaǵy jyly mamandar sanyn 500 adamǵa deıin arttyrý, sondaı-aq 1 200 lektordy qaıta daıarlaý josparlanýda.

Mınıstrdiń aıtýynsha, «Jýsan» operasııasy aıasynda terrorıstik belsendilik aımaǵynan qaıtarylǵan 163 áıeldi qaıta áleýmettendirý boıynsha keshendi aldyn alý jumystaryn júrgizýge erekshe nazar aýdaryldy. Búgingi tańda olardyń 144-i radıkaldy dinı kózqarastardan bas tartty, al keıbireýleri zaıyrly ómir saltyna tolyǵymen kóshti.

2019 jyly áleýmettik jelilerde, elektrondyq BAQ jáne basqa da ınternet-alańdarda dinı ekstremızm ıdeologııasyn qarsy nasıhattaý aıasynda 5,3 myńnan astam ınternet-resýrstardyń mazmuny taldandy, onyń ishinde 3,2 myńy quqyqqa qarsy sıpattaǵy materıaldardy qamtıdy. Olardyń barlyǵy ýaqtyly buǵattalǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir