27 Maýsym, 2020 NEWS
Qamshy.kz
Almaty dárihanalarynda bir adamǵa 2-3 orama parasetamol ǵana satylatyn bolady. Bul týraly qala ákimdiginiń dárilik preparattarmen qamtamasyz etý jónindegi úılestirýshisi Zańǵar Sálimbaev aıtty.
QazAqparat tilshisiniń habarlaýynsha bul dári tapshylyǵyn boldyrmaý maqsatynda jasalyp otyr.
– Biz áleýmettik jelide úlken dúrbeleń júrip jatqanyn kórip otyrmyz. Adamdar ózin-ózi emdeýmen aınalysyp ketken. Turǵyndar tarapynan dári-dármektiń belgili bir túrlerine suranys óte joǵary bolyp tur. Aıtalyq, adamǵa ne bári 2 orama parasetamol qajet bolǵanymen ol 20 oramasyn biraq satyp alady. Barlyǵyn da dári-dármektiń jetkilikti sanymen qamtamasyz etý úshin biz bir adamǵa 2-3 orama ǵana sharalaryn qolǵa alǵymyz keledi. Bul búgingi kúni suranysy joǵary bolyp otyrǵan dárilerge de qatysty bolmaq, – dedi Zańǵar Sálimbaev.
Sálimbaevtyń naqtylaı túsýinshe, dárihanalarda satylymy shekteletin 6-7 dári bolady.
– Parasetamol, sýmamed jáne adamdar jappaı satyp alyp jatqan dáriniń ózge de túrleri bar. Bul dárilerdiń satylymyna shekteý engizemiz. Degenmen, olar qala dárihanalaryna jetkilikti kólemdi jetkiziletin bolady, – dedi ol.
Almaty qalalyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Murat Muhamedııarov dúısenbige qaraı satylymǵa 250 myń orama parasetamol kelip túsetinin atap ótti.
– Taıaý ýaqytta qalaǵa vırýsqa qarsy 70 myń orama dári jetkiziledi. Qyzý túsiretin jáne vırýsqa qarsy preparattardyń bar bolýyna kúndelikti monıtorıng júrgizip otyramyz, – dedi ol.
Munan bólek, dúısenbi kúni 30 myń termometr qala dárihanalarynda satylymǵa shyǵarylmaq.
– Mundaı sheshim ákimdikpen jáne Almaty qalalyq taýarlar men kórsetiletin qyzmetterdiń sapasy men qaýipsizdigin baqylaý departamentimen kelisilgen. Bul adamdar túsinip ári túsinistik tanytýy úshin jasalyp otyr. О́ıtkeni, mundaı bolmaýy kerek. О́zin-ózi emdeýmen aınalysýǵa bolmaıdy, – dep túsindiredi Qazaqstannyń farmasevtıkalyq qyzmetin qoldaý jáne damytý qaýymdastyǵynyń prezıdenti Marına Dýrmanova.
Taǵy oqyńyz:
♦ Almaty dárihanalaryndaǵy dúrbeleń. Parasetamol, aspırın tapshy (vıdeoreportaj)
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir