• USD 468.56

  • EUR 497.56

  • RUB 7.3

  • CNY 67.18

29 Naýryz, 00:17:42
Almaty
+35°

Foto qorǵanys mınıstrliginiń resmı saıtynan alyndy

Almatydaǵy Qurlyq áskerleri Áskerı ınstıtýtynda jáne Aqtóbedegi Áýe qorǵanysy kúshteriniń Áskerı ınstıtýtynda jas leıtenanttardyń saltanatty shyǵarylymy men Shýchınskidegi Qorǵanys mınıstrliginiń Kadet korpýsynda serjanttardyń oqý ornyn bitirýine oraı uıymdastyrylǵan sharalar ótti, dep habarlady Qorǵanys mınıstrliginiń baspasóz qyzmeti.

Bıyl Qurlyq áskerleri Áskerı ınstıtýtyn 390 leıtenant támámdady. Túlekterdiń arasynda Ujymdyq qaýipsizdik týraly shart uıymyna múshe memleketterdiń qarýly kúshteri úshin áskerı kadrlardy birlesip daıarlaý aıasynda oqyǵan Qyrǵyzstannyń 8 jáne Tájikstannyń 10 ókili bar.

a

Saltanatty is-shara barysynda Almaty qalasynda tótenshe jaǵdaı jáne karantın rejımin qamtamasyz etý boıynsha mindetterdi oryndaýda kásibılik pen batyldyq tanytqan túlekter marapattaldy. Leıtenant Meırambek Náısekenovke II dárejeli «El qorǵany» vedomstvolyq medali, leıtenanttar Baqbergen Syzdyq pen Álibek Qydyrǵa ataýly saǵattarmen marapattaldy.

Áýe qorǵanysy kúshteri Áskerı ınstıtýtynda «Áskerı medısına» mamandyǵy boıynsha alǵashqy 15 ofıserdiń bitirýi ótti. Ushý jáne ınjenerlik mamandyqtar ofıserleriniń shyǵarylymy dástúrli túrde qazan aıynda ótedi. Instıtýt joǵary áskerı-kásiptik bilim berý baǵdarlamasy boıynsha tórt mamandyq jáne on biliktilik boıynsha kadrlar daıyndaıdy. Jyl saıyn JOO 100-den astam ofıser shyǵarady.  

Bıyl Kadet korpýsyn 216 serjant aıaqtady. Jyl saıyn áskerı oqý orny kishi komandalyq quramyn 200-den astam maman támámdaıdy. 1996 jyldan bastap Kadet korpýsy 2800-den astam kásibı serjanttardy daıyndady.

"Qamshy" silteıdi
Ilmek sózder: áskerı oqý oryndary

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir