• USD 405.69
  • EUR 455.51
  • RUB 5.72
  • CNY 57.42

27 Maýsym, 2020 NEWS

Toqaev jýrnalısterdi kásibı merekelerimen quttyqtady

24.kz

Memleket basshysy Qasym-Jomart Toqaev Buqaralyq aqparat quraldary qyzmetkerleriniń kúnimen quttyqtady.
 
"Qurmetti buqaralyq aqparat quraldary qyzmetkerleri!

Barshańyzdy búgingi merekelerińizben shyn júrekten quttyqtaımyn!

О́zderińizge málim, byltyr meniń arnaıy tapsyrmammen 28 maýsym Buqaralyq aqparat quraldary qyzmetkerleriniń kúni bolyp belgilendi. Osy arqyly bul sala mamandarynyń kásibı merekesin derbes atap ótýge múmkindik jasaldy.

Budan bir ǵasyrǵa jýyq ýaqyt buryn ult ustazy Ahmet Baıtursynuly "Gazet – halyqtyń kózi, qulaǵy hám tili" dep baǵa bergen edi. Bul ulaǵatty sózdi qazir tek basylymdarǵa ǵana emes, barlyq elektrondy aqparat quraldaryna, aqparat agenttikterine qatysty qoldanýǵa bolady.

Sizderdiń jazǵan árbir maqalalaryńyzda, daıyndaǵan sıýjetterińizde eldiń muńy men muqtajy, oıy men pikiri, talaby men tilegi, qoǵam damýynyń tynysy aıqyn kórinis taýyp otyr. О́ıtkeni, jumys barysynda jurtpen etene aralasyp, "Halyq únine qulaq asatyn memleket" qaǵıdatyn júzege asyrýǵa zor eńbek sińirdińizder. Sonymen qatar, kásibı biliktilikterińiz arqyly memleketimizdiń kósh basyndaǵy órkenıetti elderdiń qataryna qosylýy úshin ólsheýsiz úles qosyp kelesizder.

Qazaqstan jýrnalıstıkasy óziniń qalyptasý kezeńinen bastap memleketshildik, eldik, ulttyq qundylyqtardy dáripteý, osy uly uǵymdarǵa adal bolý baǵytyn ustanady. Qarymdy qalamgerler qalyptastyrǵan dástúrdi keıingi tolqyn jýrnalıster de laıyqty jalǵastyra bildi. Qazir elimizdegi barlyq buqaralyq aqparat quraldary Qazaqstannyń memlekettiligin nyǵaıtý, elimizde júrgizilip jatqan reformalardy halyqqa jetkizý jolynda kúsh biriktirýde.

Jýrnalıst bolý úshin kásibı biliktilikke qosa, batyldyq pen tabandylyq kerek. О́zgeniń máselesine janashyrlyq tanytyp, árbir iske jaýapkershilikpen qaraıtyn, jurt jumysyna jegilip, eldiń kem-ketigin túgendeýge tyrysatyn, qoǵamdaǵy túıtkilderge parasat bıiginen kóz salatyn jáne ulttyq deńgeıde oılaı biletin jýrnalısti búkil halyq qurmetteıdi.

Ol úshin eń aldymen Otanǵa degen  súıispenshilik jáne elge adaldyq sekildi qasıetter qajet. Qazaqstannyń buqaralyq aqparat quraldarynyń ókilderi búginde osy turǵydan oı tolǵap, másele kóterýge beıimdelýde. Bul shynaıy patrıotızmniń kórinisi dep bilemin.

Sizderdiń elge janashyrlyqtaryńyz qazirgideı qıyn-qystaý kezeńde anyq baıqaldy. Qashanda irgeli istiń basynda júretin jýrnalıster álem damýyna keri áser etken osynaý daǵdarys tusynda alǵy shepten tabyldy. Búkil álemniń tynysyn taryltqan pandemııa kezinde sizder densaýlyq saqtaý jáne quqyq qorǵaý qyzmetkerlerimen birge aıanbaı eńbek ettińizder.

Otandyq jýrnalıster sát saıyn shartarapqa aqparat taratýmen qatar, memleket pen qoǵamdy baılanystyratyn altyn kópir qyzmetin de atqarady. Sizderdiń bul saladaǵy atqarǵan isterińizdi jaqsy bilemiz jáne baǵalaımyz.

Bizdiń birligimiz bekem, maqsatymyz ortaq, rýhymyz asqaq. Sonyń arqasynda kez-kelgen qıyndyqty jeńip, jasampazdyq pen órleý jolynda jańa belesterdi baǵyndyramyz dep senemin.

Sizderge myqty densaýlyq, baq-bereke jáne tolaıym tabys tileımin!" delingen prezıdent quttyqtaýynda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir