• USD 412.55
  • EUR 465.73
  • RUB 5.79
  • CNY 58.91

27 Maýsym, 2020 NEWS

Dáýren Abaev jýrnalısterdi kásibı merekesimen quttyqtady

Fotony Baýyrjan Jýasbaev túsirgen

Búgin QR prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý rásimi ótti, dep habarlaıdy QazAqparat.

Shara barysynda QR Prezıdenti Ákimshiligi Basshysynyń birinshi orynbasary Dáýren Abaev  memleket basshysy Qasym-Jomart Toqaevtyń buqaralyq aqparat quraldary ókilderin kásibı merekesimen quttyqtaýyn oqyp berdi.

Sonymen qatar ol Qazaqstan Respýblıkasy prezıdentiniń buqaralyq aqparat quraldary salasyndaǵy syılyqtaryn «Qazaq ádebıeti» gazetiniń bas redaktory Qýatov Dáýren Qasenulyna, «Egemen Qazaqstan» respýblıkalyq gazeti» AQ basqarma tóraǵasy Qydyráli Darhan Qýandyqulyna, «Jetisý» telearnasynyń dırektory Sarybaı Serik Ábikenulyna, «Habar» telearnasynyń taldamalyq baǵdarlamalar bóliminiń shef-redaktory Trýhachev Aleksandr Vladımırovıchke tabys etti.

Al Qazaqstan Respýblıkasy Prezıdentiniń buqaralyq aqparat quraldary salasyndaǵy granttaryn «QAZAQSTAN» ulttyq telearnasynyń tilshisi Áshim Albınaǵa, «Habar» telearnasy taldamalyq baǵdarlamalar bóliminiń tilshisi Madııarova Maqpal Baqytbekqyzyna, «Semei» telearnasynyń redaktor-telejúrgizýshisi Nurysheva Marjan Erkimbekqyzyna, «Azattyq rýhy» aqparat agenttiginiń shyǵarýshy redaktory Smaılov Jandos Meıirbekulyna berdi.

Qazaqstan Respýblıkasy Prezıdentiniń buqaralyq aqparat quraldary salasyndaǵy Alǵysymen «Ana tili» gazetiniń, «QazAqparat» halyqaralyq aqparat agenttiginiń, «Kazahstanskaıa pravda» respýblıkalyq gazetiniń, «QAZAQSTAN» ulttyq telearnasynyń Mańǵystaý oblystyq fılıalynyń shyǵarmashylyq ujymy marapattady.

– Búgingi marapattaryńyz qutty bolsyn! Sizder buǵan ábden laıyqtysyzdar. Sonymen qatar ózderińiz arqyly elimizdiń búkil jýrnalısterin kásibı merekelerimen quttyqtaımyn! Qadamdaryńyz qutty, qalamdaryńyz júırik bolsyn! Elimizdiń damýy úshin aqparat salasynda aıanbaı eńbek ete berińizder, – dedi Dáýren Abaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir