• USD 412.55
  • EUR 465.73
  • RUB 5.79
  • CNY 58.91

26 Maýsym, 2020 NEWS

Baýyrjan Baıbek jýrnalısterdi kásibı merekesimen quttyqtady

Kórneki sýret

«Nur Otan» partııasy tóraǵasynyń birinshi orynbasary Baýyrjan Baıbek facebook paraqshasynda jýrnalısterdi kásibı márekesimen quttyqtady.

«Qurmetti jýrnalıster!

Buqaralyq aqparat quraldary qyzmetkerleri kúni – kásibı merekesiniń qarsańynda dástúrli túrde «NUR SUNQAR» respýblıkalyq konkýrsyn osymen 11-shi ret ótkizip otyr.

Búginde bul syılyq jýrnalıster qaýymy arasynda bedeldi de tanymal marapatqa aınaldy. «NUR SUNQAR» – medıa-qoǵamdastyq qyzmetkerleriniń elde júrip jatqan reformalardy qoldaý, qoǵamdyq mańyzy bar jobalardyń tabysty atqarylýy jáne halyqtyń keri baılanysyn qamtamasyz etý boıynsha sińirgen eńbegi men úlesin baǵalaýdyń bir kórinisi.

Konkýrstyq komıssııa bıyl birneshe jańa nomınasııa belgilep otyr. «Alǵy shep» – Tótenshe jaǵdaıdy jarııa etý boıynsha qajyrly eńbegi úshin», «Biz birgemiz» – volonterlik jumys týraly úzdik jarııalanym», «Partııanyń «qaıta jandanýy» boıynsha úzdik materıal» nomınasııalary.

Jalpy 135 ótinim jáne 355 materıal berildi.

Qurmetti dostar!

Pandemııaǵa baılanysty qalyptasyp otyrǵan qazirgi jaǵdaı bizdiń saltanatty sharany ótkizý jónindegi josparymyzdy túbegeıli ózgertti. Bıyl bizge partııalyq syılyqty saltanatty túrde tapsyrý rásiminen bas tartýǵa týra kelip otyr. Bul – amalsyzdan jasalyp otyrǵan qadam. Buǵan barsha qatysýshylar túsinistik tanytady dep senemin.

Partııamyzdyń Lıderi, Elbasy Nursultan Nazarbaev árdaıym jýrnalısterdiń shyǵarmashylyǵy elimiz ben halqymyzdyń ıgiligine baǵyttalǵan izgi isterge uıytqy bolýyn qalady. Sondyqtan da konkýrstyq komıssııa el damýynyń ózekti máselelerin jaryqqa shyǵarýǵa eleýli úles qosqan úzdik sóz zergerlerin iriktep aldy. Jeńimpazdardyń esimderi beınerolıkte berilgen.

Partııanyń atynan jáne jeke óz atymnan «NUR SUNQAR – 2020» syılyǵynyń jeńimpazdaryn laıyqty marapattarymen quttyqtaımyn! Buqaralyq aqparat quraldary qyzmetkerleriniń kásibı merekesi – Jýrnalıster kúni qutty bolsyn!

Barshańyzǵa myqty densaýlyq, baq-bereke jáne shyǵarmashylyq mol tabys tileımin!» delingen Baýyrjan Baıbek jazbasynda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir