• USD 468.56

  • EUR 497.56

  • RUB 7.3

  • CNY 67.18

28 Naýryz, 21:20:44
Almaty
+35°

Depýtattyq korpýs pen Úkimettiń birlesken jumysy «Nur Otan» partııasynyń saılaýaldy baǵdarlamasynyń qajetti zańnamalyq negizin qalyptastyryp, partııanyń saılaý aldyndaǵy barlyq mindettemelerin oryndaýǵa múmkindik berdi. Bul týraly búgin Májilistegi «Nur Otan» partııasy fraksııasynyń keńeıtilgen otyrysynda talqylandy, dep habarlady májilistiń baspasóz qyzmeti.

a

Partııanyń «Qazaqstan – 2021: Birlik. Turaqtylyq. Jasampazdyq» atty saılaýaldy baǵdarlamasynyń oryndalý barysyn talqylaý vıdeokonferensııa rejıminde ótti.

Jıynǵa qatysýshylar baǵdarlamany júzege asyrý barysyna aı saıyn monıtorıng júrgizip otyrýdy Elbasy, «Nur Otan» partııasynyń kóshbasshysy Nursultan Nazarbaevtyń alǵa qoıǵan tapsyrmasy ekenin atap ótti. Sonymen qatar, depýtattyq korpýs pen Úkimettiń birlesken jumysy, qajetti zańnamalyq negiz qurý qazirgi ýaqytta partııanyń barlyq saılaý aldyndaǵy mindettemeleriniń 90%-yn oryndaýǵa múmkindik bergenine toqtaldy.

Fraksııanyń keńeıtilgen jınalysyna qatysqan premer-mınıstr Asqar Mamınniń aıtýynsha, qazirgi ýaqytta alda turǵan barlyq josparlanǵan is-sharalar merziminde oryndalmaq.

Osy rette, fraksııa músheleri saılaý aldyndaǵy mindettemelerdi oryndaý olardyń turaqty baqylaýynda bolatynyn atap ótti.

Zań jobalary boıynsha jumys barysynda depýtattar partııanyń alǵa qoıǵan mindetterin sheshýde, eń aldymen, qajetti qarjy resýrstaryn qamtamasyz etýdiń naqty joldaryn izdestirýge basa nazar aýdardy.

Sonymen qatar, Májilis depýtattary ishki naryqty otandyq ónimdermen tolyqtyryp, turǵyn úımen qamtamasyz etý, ataýly áleýmettik kómekti taǵaıyndaýdaǵy ashyqtyq úshin memlekettik organdardyń aqparattyq júıelerin «E-Halyk» aqparattyq júıesimen biriktirýdiń merzimderin aıaqtaý syndy birqatar máselelerdi kóterdi.

Depýtattar jumystyń áleýetti baǵyttary týraly aıta kele, álemdik tendensııalar men eńbek naryǵynyń qajettilikterin eskere otyryp, ónimdi jumyspen qamtýǵa halyqtyń belsendi qatysýy qajettiligine nazar aýdardy. Sondaı-aq Májilis depýttary ishki naryqty molaıtyp, eksportty damytý úshin agrarlyq salany damytýdyń jańa tásilin ázirleýdiń qajettigine toqtaldy.

"Qamshy" silteıdi
Ilmek sózder: májilis parlament

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir