Senat depýtattyǵyna úmitkerge bıýdjetten qansha qarjy bólinedi?

Qazaqstan Ortalyq saılaý komıssııasy (OSK) parlament senatynyń depýtattyǵyna úmitkerlerdiń saılaý shyǵyndarynyń mólsherin habarlady. 

OSK hatshysy Sabıla Mustafınanyń aıtýynsha, kandıdattyń saılaý qoryn quraıtyn qarajat Qazaqstannyń Halyq jınaq bankindegi arnaıy ýaqytsha shotqa jınaqtalady.

– Respýblıkalyq bıýdjet qarajatynan kandıdattardyń saılaý aldyndaǵy jarııaly is-sharalaryn ótkizýge, úgit materıaldaryn shyǵarýǵa arnalǵan shyǵystary men kólik shyǵystary Ortalyq saılaý komıssııasy belgilegen mólsherde óteledi. OSK óz qaýlysymen Qazaqstan parlamenti senatynyń depýtattyǵyna kandıdattyń respýblıkalyq bıýdjet qarajatynan óteletin shyǵystaryn 450 000 teńge kóleminde belgiledi: atap aıtqanda, teledıdardan, radıodan baǵdarlamamen sóz sóıleý jáne merzimdi baspa basylymdarynda 2 maqala jarııalaý úshin – 300 000 teńge; saılaý aldyndaǵy kópshilik is-sharalardy ótkizý jáne úgit materıaldaryn shyǵarý úshin – 70 000 teńge; kólik shyǵyndary úshin – 80 000 teńge qarastyrylǵan, – dedi Mustafına.

Qazaqstanda senat depýtattarynyń saılaýy 12 tamyzǵa belgilengen.

Zań boıynsha, senatqa ár oblys pen respýblıkalyq mańyzy bar qalalardan eki adamnan saılanady. Depýtattardyń 34-in máslıhat depýtattary saılaıdy, qalǵan 15-in prezıdent taǵaıyndaıdy.

Senat depýtattarynyń ókilettik merzimi – alty jyl. Árbir úsh jylda ókilettigi aıaqtalǵan depýtattar qaıta saılanady. Sońǵy ret senat depýtattaryn saılaý 2017 jyly ótken.