• USD 405.69
  • EUR 455.51
  • RUB 5.72
  • CNY 57.42

25 Maýsym, 2020 NEWS

Qazaqstanda 4,2 mln adam jumystan bosatyldy

kamnedelmiass.ru

Naýryz-sáýir aılarynda karantındik sharalardyń engizilýine baılanysty 4,2 mln qazaqstandyq ýaqytsha jumyssyz qalǵan. Bul týraly Eńbek jáne halyqty áleýmettik qorǵaý mınıstri Birjan Nurymbetov aıtty.

– Osy jyldyń I toqsan qorytyndysynda ekonomıkada jumyspen qamtylǵandardyń sany 8,8 mln adamdy, jumyssyzdyq deńgeıi 4,8%-dy qurady. Naýryz-sáýir aılarynda karantındik sharalardyń engizilýine baılanysty 4,2 mıllıon qazaqstandyq ýaqytsha jumystan bosatyldy. Karantındik sharalardy jeńildetý ústimizdegi jyldyń 20 sáýirinde bastaldy. Bul kezeń-kezeńimen jumysqa oralýǵa múmkindik berdi. Úkimet jumyspen qamtýǵa kóńil bólip, ekonomıkany qalpyna keltirý boıynsha qabyldap otyrǵan sharalar osy jyldyń shilde aıynan bastap eńbek naryǵyndaǵy jaǵdaıdy turaqtandyrady dep esepteımiz, – dedi Birjan Nurymbetov.

Ol osy jyly jumyspen qamtýǵa járdemdesý sharalaryna 1 mln 220 myń adamdy tartý josparlanyp otyrǵanyn atap ótti.

– Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyn iske asyrý aıasynda – 600 myń adam, jumyspen qamtýdyń jol kartasy aıasynda – 255 myń adam, basqa memlekettik baǵdarlamalar boıynsha 364 myń adam jumyspen qamtylady, – dedi Birjan Nurymbetov.

Mınıstrdiń aıtýynsha, 1 maýsymdaǵy jaǵdaı boıynsha 224 myńnan astam adam «Eńbek» memlekettik baǵdarlamasyna qatysyp, olardyń 185 myńy jumysqa ornalastyryldy. Memlekettik qoldaý sharalary aıasynda bos jumys oryndaryna 99 myń adam, qoǵamdyq jumystarǵa – 62 myń, áleýmettik jumys oryndaryna – 13 myń, jastar praktıkasy boıynsha 11 myń adam jumyspen qamtyldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir