• USD 412.55
  • EUR 468.66
  • RUB 5.79
  • CNY 58.8

24 Maýsym, 2020 NEWS

Jyl basynan beri Almatyda 22 myń adam jumyspen qamtylǵan

Ashyq derekkóz

Almaty qalasy áleýmettik ál-aýqat basqarmasy basshysynyń orynbasary Danııar Álkebaıuly Almatyda jyl basynan beri 22 myń adam jumyspen qamtylǵanǵanyn málimdedi.

– Jyl basynan beri Almaty qalasy Jumyspen qamtý ortalyǵyna 36 myńnan astam adam júgingen. Onyń 22 myńy jumyspen qamtylǵan, ıaǵnı 17 myńy turaqty jumys orny, 5 myńy ýaqytsha jumys. Qoǵamdyq jumysqa 4 039 adam ornalasty, – dedi ol. 

Odan bólek "Bıznes Bastaý" kýrsynan ótken 706 adam qarjylaı grantqa ıe bolǵan, ol adamdar qazir óz kásipterin ashyp, jumys isteýde. 

Almaty qalasy Halyqty jumyspen qamtý ortalyǵynyń dırektory Dılıara Imanqulova ortalyqqa kúnine 200-500 aralyǵynda adam júginetinin aıtady.

– Karantın kezinde jumyspen qamtý ortalyǵyna júginetinder sany eki ese artty. 5 myńnan asa adam júgindi. Odan bólek taǵy 12 myń adam keńes surap kelgen. Qaladaǵy jumyssyzdyqty boldyrmas úshin qazir "Jumyspen qamtýdy jol kartasy" iske qosylǵan. Ol, ásirese, qurylys salasyna baǵyttalǵan, sondyqtan osy salada kóptegen adam turaqty jumyspen qamtyldy, – deıdi ol. 

Jumyspen qamtý ortalyǵyna Almatyda tirkeýde turǵan nemese ýaqytsha tirkeýde turǵan adamdar júgine alady. Ortalyqta jumys izdeýshilerden talap etiletin qujattar: jeke kýálik, dıplom (eger bolsa) jáne eńbek kartochkasy.

Ilmek sózder: Almaty jumys Karantın

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir