tengrinews.kz
Áleýmettik jelide shymkenttik polıseılerdiń toıda júrgen vıdeosy jarııalanyp, qyzý talqylanýda.
Toı 12 maýsym kúni Túrkistan oblysy Tóle bı aýdanyndaǵy demalys aımaǵynyń birinde ótkeni anyqtaldy.
"Atalǵan fakti boıynsha qyzmettik tergeý júrgizildi. Tekserý barysynda toı 12 maýsym kúni Túrkistan oblysy Tóle bı aýdanyndaǵy demalys aımaǵynda karantın kezinde uıymdastyrylǵany belgili boldy. Saltanatty is-sharaǵa Shymkent qalasy polısııa departamentinde jumys istep júrgen qyzmetkerleriniń biri, sondaı-aq oqý ortalyǵynyń jáne óńirlik arnaıy mamandandyrylǵan kúzet basqarmasynyń bastyqtary qatysqan. Toıǵa qatysqan barlyq laýazymdy tulǵalar memlekettik qyzmetshiniń etıkalyq kodeksin buzǵany úshin tártiptik jaýapkershilikke tartyldy" delingen habarlamada.
Toı ótkizgen demalys aımaǵyna ákimshilik hattama toltyrylyp, tıisti aıyppul salynǵan.
"Sanıtarlyq dárigerler demalys aımaǵynyń ákimshiligine qatysty ákimshilik quqyq buzýshylyq týraly kodeksiniń 462-baby 3-bóligi boıynsha ákimshilik hattama toltyrdy. Jınalǵan materıaldar qajet sheshim qabyldaý úshin Tóle bı aýdandyq sotyna jiberildi" dedi oblystyq polısııa departamenti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir