• USD 412.55
  • EUR 465.73
  • RUB 5.79
  • CNY 58.91

24 Maýsym, 2020 NEWS

Nur-Sultan ákimdigi dárihana uıymdaryna dári-dármekpen úzdiksiz qamtamasyz etýdi tapsyrdy

astana.gov.kz

Qala basshylyǵy halyqty dári-dármekpen qamtamasyz etý úshin ýaqtyly sharalar qabyldaýda, dep habarlaıdy elorda ákimdiginiń resmı saıty.

Ákimdik qalalyq dárihanalarda vırýsqa qarsy dári-dármekterdiń bolýyn únemi qadaǵalap otyrady. Elordada koronavırýs ınfeksııasy jaǵdaılarynyń kóbeıýine baılanysty vırýstyq ınfeksııalyq aýrýlardyń aldyn-alý úshin qajetti dári-dármektermen qamtamasyz etýge erekshe nazar aýdarý qajet.

– Elordalyq dárihanalarda turǵyndarǵa qajetti barlyq dári-dármekter bolýy kerek. Dári-dármekterdiń negizgi assortımentiniń bolýyn baqylaý qajet. Dárihanalarǵa dári-dármekterdi ýaqtyly jáne jetkilikti mólsherde satyp alý kerek, – dedi Nur-Sultan ákiminiń orynbasary Baqtııar Máken dárihana jelileri basshylarymen onlaın-kezdesýde.

– Biz kóterme dárihana uıymdaryna Nur-Sultan qalasynyń dárihanalyq uıymdaryna dári-dármekter men medısınalyq maqsattaǵy buıymdardy úzdiksiz jetkizýdi uıymdastyrýdy tapsyramyz, – dep atap ótti B.Máken.

«Nur-Sultan qalasynyń farmasevtıkalyq assosıasııasy» zańdy tulǵalardyń qoǵamdyq birlestigi dırektory Gúlnaraı Almýrzınanyń aıtýynsha, keıbir dári-dármekterdiń tapshylyǵy baıqalady.

– О́tken aptadan bastap qala turǵyndary vırýsqa qarsy preparattar, azıtromısın antıbıotıkterin satyp aldy. Biz analız júrgizip, dári-dármekterdiń 41 ataýy kórsetilgen keste qurdyq. Memlekettik agenttiktiń dári-dármekterdi halyqqa qansha mólsherde taratýǵa bolatyndyǵy týraly memorandýmǵa qol qoıýǵa sheshim qabyldandy. Al antıbıotıkter men resept boıynsha dári-dármekter, burynǵydaı, dárigerdiń nusqaýymen ǵana jiberiledi, – dedi G.Almýrzına.

Sonymen birge, ol dene qyzýyn túsiretin dári-dármekterdiń jetispeýshiligin eskere otyryp, olardyń balama nusqalary baryna nazar aýdardy: «Panadol», «Eferalgan», «Ibýprofen», «Ibýfen», «Mıg», «Novıgan», olar dárihanalarda bar.

24 maýsymdaǵy jaǵdaı boıynsha koronavırýs juqtyrýdyń 3484 jaǵdaıy tirkeldi. Onyń ishinde 2 501 naýqas (69%) emdelip shyqty jáne 38 ólim jaǵdaıy (1,1%) oryn aldy.

Kúndelikti pnevmonııamen aýrýhanaǵa túsetin naýqastardyń sany artty, olardyń ár ekinshisi vırýstyq pnevmonııa. Olardyń 90-ynyń jaǵdaıy ortasha aýyr.

Osyǵan baılanysty medısınalyq uıymdar men dárigerlerge úlken júkteme júkteledi.

Ákimniń orynbasary azamattardy koronavırýs ınfeksııasyn juqtyrmas úshin qatań sanıtarlyq qaýipsizdik sharalaryn saqtaýǵa shaqyrdy: maska, qolǵap kıip, qoldy sabynmen jıi jýyp, áleýmettik qashyqtyq saqtaý qajet.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir