Bul týraly «Nur Otan» partııasy Tóraǵasynyń birinshi orynbasary Baýyrjan Baıbek Instagram paraqshasyndaǵy búgingi jazbasynda aıtty.
«Qurmetti dostar! Partııamyzdyń Lıderi Nursultan Nazarbaevtyń tapsyrmasy boıynsha «Birgemiz» qory taıaý ýaqytta birjolǵy ataýly kómek kórsetýdiń tórtinshi kezeńin uıymdastyrady. Elbasynyń bastamasy boıynsha kómek Qamqorshylar keńesiniń sheshimimen elimizdiń aýyldyq eldi mekenderindegi asa muqtaj 80 myń otbasyǵa baǵyttalady.
Tuńǵysh Prezıdenttiń úndeýine qoldaý bildirgen aqjúrek mesenattarymyzdyń arqasynda qorǵa 28 mıllıardtan astam qarajat jınaldy. 23 iri qalada, sondaı-aq olarǵa irgeles shaǵyn qalalar men aýyldarda 470 myńnan astam otbasy 50 myń teńgeden aldy.
Sonymen qatar mundaı materıaldyq kómek koronavırýspen kúreske jumyldyrylǵan medısına qyzmetkerlerin qoldaýǵa jáne áleýmettik jaǵynan álsiz 100 myń otbasyny tegin maskamen qamtamasyz etýge baǵyttaldy.
Túrkistan oblysynyń Maqtaaral aýdanyndaǵy sý basýdan zardap shekken Dostyq aýylynyń turǵyndaryna arnap salynyp jatqan jańa úılerdiń qurylysy bıylǵy shilde aıynyń ishinde-aq aıaqtalady.
Memleket basshysy Qasym-Jomart Toqaev keshe «BIZ BIRGEMIZ» jalpyulttyq onlaın-forýmynda atap kórsetkendeı, yntymaqtastyq, qajyrlylyq jáne janashyrlyq – halqymyzdyń dástúrli qundylyqtary. Tól tarıhymyzda ushyrasqan asa aýyr synaqtardy eńserýde de naq osy qasıetter kómektesken bolatyn.
Barshamyzǵa ortaq aýyrtpalyqpen kúreste bizdiń birligimiz budan da bekem bola túspek.
Endi qoǵamymyzdyń jańa urany – «Biz birgemiz» – dep jazdy Baýyrjan Baıbek.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir