• USD 412.55
  • EUR 465.73
  • RUB 5.79
  • CNY 58.91

24 Maýsym, 2020 NEWS

"Uıǵyr aýdany – uıǵyrlardyń aýdany" (vıdeo)

Vıdeodan skrınshot

Iаkıdar Ganıev atty facebook qoldanýshysy óz paraqshasynda tikeleı efırge shyǵyp, jýyrda Almaty oblysy Uıǵyr aýdanynda bolǵan qazaq-uıǵyr janjalyna qatysty pikir bildirdi.

Onyń sózinshe, qazaq-uıǵyr konflıkti – turmystyq emes, ulttyq másele. Uıǵyr aýdany birneshe ondaǵan jyldan beri Qazaqstandaǵy etnıkalyq uıǵyrlardyń mekeni bolǵanyn, aýdan halqynyń basym bóligin uıǵyrlar quraıtynyn aıtty. Sondyqtan ol "Uıǵyr aýdany – uıǵyrlardyń aýdany" dep sanaıdy.

Iаkıdar Ganıevtiń pikirinshe, Uıǵyr aýdanynyń bolýy – Qazaqstandaǵy ǵana emes, kúlli postkeńestik elderdegi uıǵyrlar úshin maqtanysh. О́ıtkeni uıǵyrlar aýdandy óz otanyndaı kóredi.

Facebook qoldanýshysy aýdandaǵy qazaqtar men uıǵyrlar osyǵan deıin qaq-soq despeı ómir súrgenin, sońǵy kezderdegi kıkiljiń aýdanǵa oralmandar kóptep kele bastaǵandyqtan týǵanyn atap ótti. Ol aýdan atyn, kóshe, aýyl attaryn qazaqshalaýdy Qytaıdan kelgen oralmandar kóterip júrgenin, bul konflıktke Qytaı yqpalynyń baryn aıtyp, onyń astarynda qazaq-uıǵyr ultynyń arasyna iritki salý saıasaty jatqanyna nazar aýdardy.

Sondaı-aq ol Uıǵyr aýdanynda turǵyndardy jumyspen qamtamasyz etetin birde-bir kásiporynnyń joqtyǵyna qynjylys bildirip, úkimet oralmandardy jumys orny joq aýdanǵa qonystandyrý arqyly qatelik jasady dep sanaıtynyn jetkizdi. "Adamdar jumys joq bolǵandyqtan, "Jerdiń qojasy kim?" degen suraqqa bas qatyryp júr" deıdi ol.

16 maýsym kúni Almaty oblysy Uıǵyr aýdanynda bir top qazaq-uıǵyr jastary tóbelesip, 5 adam pyshaq jaraqatyn alǵan. Oblys basshylyǵy "daý – jolǵa talasqannan shyqqan turmystyq sıpattaǵy janjal" degenimen, turǵyndar tóbeles astarynda túıini tarqatylmaǵan talaı túıitkil bar dep sanaıdy. Janjaldan soń aýdannyń qazaq turǵyndary Uıǵyr aýdanynyń atyn aýystyrý bastamasyn kótergen. Oblys ákimi Amandyq Batalov aýdan turǵyndarynyń usynysyn joǵary jaqqa jetkizetininin, máseleni qaraıtynyn aıtqan.

♦ Uıǵyr aýdanynyń aty: irge bólý me, birge bolý ma? (vıdeoreportaj)

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir