Atyraýda koronavırýs ınfeksııasynan 5 áıel qaıtys boldy

Atyraý oblysynda koronavırýs indetinen bes naýqas qaıtys boldy. Bul týraly oblystyq densaýlyq saqtaý basqarmasy habarlady.

Vedomstvo málimetinshe, sońǵy bes kúnde qaıtys bolǵan naýqastar – 1978, 1976, 1960, 1943, 1963 jyly týǵan áıel adamdar.

Atyraý qalasynyń 42 jastaǵy turǵyny ekinshi oblystyq aýrýhananyń reanımasııa bólimine 18 maýsymda ekijaqty polısegmenttik aýyr túrindegi pnevmonııamen kelip túsken. Naýqas medısınalyq mekemege "tik ishektiń qaterli isigi" dıagnozymen jetkizildi, buryn hımıoterapııanyń úsh kýrsynan ótken. 19 maýsymda pasıenttiń jaǵdaıy nasharlap, 22.30-da qaıtys boldy. Naýqasqa qoıylǵan dıagnoz: koronavırýsty ınfeksııa, septıkalyq shok, polıorgan jetkiliksizdigi.

12 maýsym kúni Jylyoı aýdany, Qulsary qalasynyń 44 jastaǵy turǵyny ekinshi oblystyq aýrýhananyń ınfeksııalyq stasıonaryna aýyr halde jetkizilgen. 14-shi maýsymda naýqastan koronavırýs anyqtalyp, 22 maýsym kúni saǵat 21.30-da jaǵdaıy kúrt nasharlap, klınıkalyq ólim dıagnozy qoıyldy.

21 mýsymda Atyraý qalasynyń 60 jastaǵy turǵyny aýyr halde pnevmonııamen ekinshi oblystyq aýrýhananyń ınfeksııalyq stasıonaryna jetkizilgen. Naýqasta sozylmaly aýrýlar jáne arterııalyq gıpertenzııa men 2 tıpti qant dıabeti bolǵan. Aýrýhanaǵa túskende pasıenttiń jaǵdaıy óte aýyr bolǵany anyqtaldy. 22 maýsymda naýqastyń jaǵdaıy kúrt nasharlap, tańǵy 06:10-da kóz jumdy. О́limniń sebebi: jiti júrek-qan tamyrlary, tynys alý jetispeýshiligi, aǵzanyń ýyttanýy, aýyr túrdegi ekijaqty polısegmenttik pnevmonııa, tynys alý jetkiliksizdigi. Anyqtalǵan dıagnoz-koronavırýstyq ınfeksııa .

18 maýsymda Atyraý qalasynyń 77 jastaǵy turǵyny juqpaly aýrýlar stasıonaryna ekijaqty polısegmenttik pnevmonııa dıagnozymen kelip túsken. 22 maýsymda zeınetkerdiń jaǵdaıy kúrt nasharlap, 22 maýsymda saǵat 10.30-da klınıkalyq ólim dıagnozy qoıylǵan. О́limniń sebebi: ótkir ókpe-júrek jetkiliksizdigi. COVID-19 dıagnozy anyqtaldy.

22 maýsymda Jylyoı aýdanynyń 57 jastaǵy turǵyny. Buryn JRVI sımptomdarymen turǵylyqty jeri boıynsha emhanaǵa barǵan. Naýqastyń basqa adamdarmen baılanysta bolǵany anyqtalyp, 23 maýsymda koronavırýstan qaıtys bolǵan. 

Qazirgi tańda oblysta koronavırýs ınfeksııasynan jalpy 14 naýqas kóz jumǵan.