• USD 468.56

  • EUR 497.56

  • RUB 7.3

  • CNY 67.18

28 Naýryz, 19:52:55
Almaty
+35°

Qazaqstandyq bıznesmenderge memlekettik baǵdarlamalardyń jeńildetilgen sharttary boıynsha nesıeni keıinge qaldyrý nemese qaryzdy qaıta qarjylandyrý múmkindigi berildi. Bul týraly Qarjy naryǵyn retteý jáne damytý agenttiginiń tóraıymy Madına Ábilqasymova aıtty, – dep habarlaıdy Tengrinews.kz tilshisi.

Úkimet otyrysynda Ábilqasymova 16 naýryzdan 15 maýsymǵa deıin jeke tulǵalar men shaǵyn jáne orta bıznes (ShOB) sýbektileri úshin nesıeler boıynsha tólemderdiń merzimi uzartylǵanyn habarlady. Osy kezeńde bul múmkindikti 1,8 mıllıon adam nemese boryshkerlerdiń 34 paıyzy paıdalanǵan. Merzimi uzartylǵan tólemderdiń somasy – 268 mıllıard teńge.

Onyń aıtýynsha, nesıeni qaıta qurylymdaý úshin 12,4 myń ShOB sýbektileri júgingen. Bul – banktik nesıeleri bar ShOB qaryz alýshylarynyń 41,5 paıyzy. Qaıta qurylymdalǵan tólemderdiń jalpy somasy – 165 mıllıard teńge.

– TJ rejıminiń aıaqtalýyna qaramastan ShOB kásiporyndarynyń qyzmeti birkelki emes jáne tolyq kólemde qalpyna kelgen joq. Taýarlar men qyzmetterge suranys kóleminiń qysqarýy baıqalady, aınalym men aqshalaı túsim tómendedi, demek alynǵan kredıtter boıynsha mindettemelerge qyzmet kórsetý múmkindigi tómendedi.

ShOB sýbektilerin qoldaýdyń qosymsha sharalary iske asyrylyp jatyr. 2020 jylǵy 16 maýsymnan bastap 15 qyrkúıekke deıin ShOB sýbektisi bankke nemese mıkroqarjy uıymyna qosymsha qoldaý sharalaryn usyný týraly ótinishpen júginýge quqyly. Kredıttik uıymdar árbir kásipker boıynsha onyń qarjylyq jaǵdaıyn, TJ men karantınniń qarjy-sharýashylyq qyzmetine áserin jáne ShOB sýbektisiniń qarjylyq jaı-kúıin qalpyna keltirý perspektıvalaryn jeke baǵalaıdy. Nasharlaǵan jaǵdaıda qoldaýdyń eki baǵyty usynylady, – dedi Ábilqasymova.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir