almaty_akimat
Almaty qalasy ákiminiń ókimimen Erlan Ádilov qalalyq Mobıldilik basqarmasynyń basshysy bolyp taǵaıyndaldy, dep habarlady qala ákimdiginiń baspasóz qyzmeti.
Erlan Ádilov 1976 jyly týǵan. M. Tynyshpaev atyndaǵy Qazaq kólik jáne kommýnıkasııa akademııasyn bitirgen. Kólik jáne quqyqtaný salalary boıynsha eki joǵary bilimi bar.
Eńbek jolyn jeke uıymdarda qaýipsizdik qyzmetiniń qyzmetkeri bolyp bastaǵan. Kólik salasyndaǵy jumysy Almatydaǵy «№4 avtobýs parki» JShS tehnıka qaýipsizdiginiń ınjeneri retinde bastalǵan. 2007 jyly aýdandyq ákimdiktiń qyzmetkeri retinde memlekettik qyzmetke aýysqan.
2008 jyldan bastap Almaty qalasynyń Jolaýshylar kóligi jáne avtomobıl joldary basqarmasynda jumys istegen, kólik bóliminiń mamany bolǵan. Atalǵan basqarmada jumys atqarǵan jyldary memleketik qyzmettiń barlyq satylarynan ótken.
2018 jyldan bastap kúni búginge deıin qalalyq Mobıldilik basqarmasy basshysynyń orynbasary bolyp qyzmet atqarǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir