• USD 468.56

  • EUR 497.56

  • RUB 7.3

  • CNY 67.18

28 Naýryz, 19:27:53
Almaty
+35°
Megapolıs ákimi Baqytjan Saǵyntaev óziniń Twitter-degi paraqshasynda epıdemıologııalyq jaǵdaı turaqtanǵan soń ýaqytsha jaıaý júrginshi aımaqtaryn qurý jónindegi pılotty jobanyń qolǵa alynatynyn habarlady.

Birinshi kezeńde Almaly aýdanynyń bes kóshesi ár jeksenbi saıyn bir kúnge jabylady. Joba epıdemıologııalyq jaǵdaı turaqtanǵan soń ǵana bastalady.

– Ýaqytsha jaıaý júrginshiler aımaǵyn qurý úshin demalys kúnderi birqatar kósheni jabýdy sarapshylarmen talqyladyq. Birinshi kezeńde Qabanbaı batyr — Gogol — Nazarbaev — Abylaı han dańǵylyndaǵy sharshy aımaq usynyldy. Jumysty qaladaǵy epıdemıologııalyq jaǵdaı turaqtanǵannan soń bastaımyz, – dep jazdy B. Saǵyntaev.

Iаǵnı, Qabanbaı batyr jáne Gogol kósheleriniń arasyndaǵy Panfılov kóshesi, sonymen qatar Nazarbaev jáne Abylaı han dańǵyldary arasyndaǵy Bógenbaı batyr, Tóle bı, Qazybek bı, Áıteke bı kósheleri ýaqytsha jaıaý júrginshiler aımaqtaryna aınalatyn bolady. Qoǵamdyq kólikter men arnaıy mashınalardyń júrýine ruqsat beriledi.

Basty maqsat – kólik júktemesin azaıtý Al qalanyń basqa aýdandarynda bir jeksenbi kúni bir ǵana kóshe jabylady.

Sarapshylar qoǵamdastyǵy megapolıstiń ekologııalyq ahýalyn jaqsartýdyń birqatar sharalaryn qarastyrýda. Atap aıtsaq, júk kóligi men motosıklderdiń qozǵalysyna zertteý júrgiziledi.

Bul mańyzdy iske kólik, ekologııa, ýrbanıstıka, qala qurylysy salalarynyń mamandary tartylady. Olar ekologııalyq ahýaldy jaqsartý boıynsha keshendi sharalardy usyný úshin qalanyń kólik júktemesin, zalaldy jáne dybystyq zattardyń taralý deńgeıin jan-jaqty zerttep, ózderiniń baǵalaryn beretin bolady.
 
 
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir