• USD 412.55
  • EUR 468.66
  • RUB 5.79
  • CNY 58.8

20 Maýsym, 2020 NEWS

Almatyda erteńgi UBT-ǵa daıyndyq qalaı?

kt.kz

21 maýsym kúni Qazaqstannyń barlyq óńirinde Ulttyq biryńǵaı testileý bastalady. Almaty qalasynda birinshi legke engen 235 adam emtıhandy Abaı atyndaǵy Qazaq ulttyq pedagogıkalyq ýnıversıtetinde tapsyratyn bolady. Bul týraly qala ákimdiginiń baspasóz qyzmeti habarlady.

О́ńirlik kommýnıkasııalar qyzmetinen málim etkendeı, UBT ótkizý kezinde barlyq sanıtarlyq-epıdemıologııalyq talaptar saqtalady.

Qalalyq Bilim basqarmasy men Almaty qalasynyń Taýarlar men qyzmetterdiń sapasy men qaýipsizdigin baqylaý departamentiniń COVID-19 ınfeksııasynyń taralý qaýpin azaıtýǵa baılanysty birlesip bekitken josparyna sáıkes, Abaı atyndaǵy QazUPÝ-de test tapsyrýshylarǵa dezınfeksııadan ótý úshin 5 kezeńnen turatyn barlyq jaǵdaılar jasalǵan: - barrıkadalyq shekteý lentalary ornatyldy jáne test tapsyrýshylar arasynda kem degende 2 metr qashyqtyqty saqtaý úshin synaqqa qatysýshylar sany eki esege azaıtyldy (50 paıyzǵa).

Ol úshin 15 aýdıtorııa ázirlendi;

  • teplovızorlar;
  • bakterısıdti lampalar jáne árbir aýdıtorııaǵa aýa resırkýlıatory;
  • test tapsyrýshylar úshin qarapaıym maskalar;
  • dezınfeksııalaý túneli;
  • jedel járdem kóligi;
  • denzınfeksııalyq tósenishter;
  • qoldanylǵan maskalardy joıý úshin jáshikter;
  • sanıtaızerler;
  • medpýnktte maskalar men salfetkalar qory;
  • memlekettik komıssııa músheleri úshin maskalar;
  • barlyq aýdıtorııada beınebaqylaý kameralary ornatylǵan.

Test ótkiziletin kúnderi TQSQBD qyzmetkerleri UBT ótkizý pýnktteriniń sanıtarlyq- pıdemıologııalyq jaǵdaıyn baqylaıtyn bolady.

Eske sala keteıik, Almatyda barlyǵy 14 972 adam test tapsyrady dep josparlanýda. Sonyń ishinde 9 047-si (97%) bıylǵy jyldyń túlekteri bolsa, 5 925-i ótken jyldardyń jáne kolledjderdiń túlekteri.

Eske salaıyq, buǵan deıin Ulttyq testileý ortalyǵynyń dırektory Dıdar Smaǵulov Ulttyq biryńǵaı test ótkizýge daıyndyq barysyndaǵy kemshilikter týraly aıtqan bolatyn.

Bıylǵy UBT-ǵa 4-toqsandaǵy oqý baǵdarlamasy engizilmeıdi. Koronavırýske shaldyqqan synaq tapsyrýshylar úshin qosymsha aýdıtorııalar daıyndaldy. Sondaı-aq túlekter UBT-ny qaı kúni jáne qaıda tapsyratynyn Ulttyq testileý ortalyǵynyń saıtynan jáne arnaıy messendjerden bile alatyny habarlandy.

 

Ilmek sózder: Almaty UBT

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir