• USD 405.69
  • EUR 455.51
  • RUB 5.72
  • CNY 57.42

19 Maýsym, 2020 NEWS

Almatyda sanıtarlyq talaptardy saqtamaǵany úshin Kók bazarǵa 620 AEK kóleminde aıyppul salyndy

Ashyq derekkóz

Almaty qalasynyń mamandandyrylǵan aýdanaralyq ákimshilik sotynyń sheshimine sáıkes, «Kompanııa «Dostar-Kommers» JShS (Kók bazar) 620 AEK (1 722 360 tg) kóleminde aıyppul salynyp, qyzmeti 1 aıǵa toqtatyldy.

Almaty qalasynyń Taýarlar men qyzmetterdiń sapasy men qaýipsizdigin baqylaý departamentiniń málimetteri boıynsha 3 maýsymnan beri COVID-19 juqtyrý deńgeıi artqan.Osyǵan baılanysty, koronavırýs ınfeksııasynyń taralýyn boldyrmaý jáne qaladaǵy sanıtarlyq-epıdemıologııalyq jaǵdaıdy turaqtandyrý boıynsha jan-jaqty sharalar qabyldanýda.

– Maýsym aıynda azamattardyń ózderiniń júginý jáne uıymdar arasynda oshaqtardyń paıda bolýy esebinen aýrý deńgeıiniń óskeni baıqalady. SES talaptarynyń buzýyna baılanysty Kók bazar da «Rahat» kondıterlik fabrıkasy sııaqty jabylyp, aıyppul salyndy. Bizdiń qazyrgi mindetimiz, uıymdardyń ózderi búgingi tańda azamattardyń densaýlyǵy qymbat ekenin túsinýileri úshin sharalar qabyldaý, — dep atap ótti Almaty qalasy boıynsha Taýarlar men qyzmetterdiń sapasy men qaýipsizdigin baqylaý departamentiniń basshysy – Almaty qalasynyń bas memlekettik sanıtar dárigeri Jandarbek Bekshın óńirlik kommýnıkasııalar qyzmetiniń alańynda ótken onlaın-brıfıng barysynda.

«Rahat» AQ kondıterlik fabrıkasy qyzmetkerleriniń arasynda COVID-19 oń nátıjeleriniń tirkelýine baılanysty fabrıka óz qyzmetin 24 maýsymǵa deıin óz erkimen toqtatty.

Eske sala keteıik, aǵymdaǵy jyldyń 21 mamyrynda Bas memlekettik sanıtar dárigerdiń basshylyǵymen kásipkerlik sýbektileriniń sanıtarlyq normalardy saqtaýyn baqylaý boıynsha monıtorıntik toptardyń jumysy barysynda Kók bazar aýmaǵynda jumysshylar men satýshylar úshin baılanyssyz termometrııanyń bolmaýy syndy buzýshylyqtar anyqtaldy.

Kelýshilerdiń áleýmettik qashyqtyq saqtaýy úshin arnaıy belgiler ornatylmaǵan. Anyqtalǵan tártipbuzýshylyqtar boıynsha bazardyń basshylyǵyna olardy joıý usynysy jasaldy. Alaıda kórsetilgen tártipbuzýshylyqtar joıylmaǵandyǵy aǵymdaǵy jyldyń 12 maýsymynda qaıta júrgizilgen tekserý barysynda anyqtaldy.

Budan bólek, «Kompanııa Dostar-Kommers» bazarynyń qyzmetkerleri arasynda koronavırýs ınfeksııasyn juqtyrýdyń 20 oqıǵasy tirkelýine jáne 1 adam óliminiń tárkelýine baılanysty QR Kásipkerlik kodeksiniń 144-babynyń 6 tarmaǵyna sáıkes jospardan tys tekserý júrgizildi.

Jospardan tys tekserý nátıjesi boıynsha jumysshylar men satýshylar úshin baılanyssyz termometrııanyń joqtyǵy, 1 metrlik áleýmettik qashyqtyqtyń saqtalmaýy, belgilerdiń joqtyǵy, jeke qorǵanys quraldayn durys paıdalanbaý, sapasyz dezınfeksııalyq quraldardy paıdalaný, nysannyń jumysy úshin ruqsat etilgen rejımniń saqtalmaýy boıynsha buzýshylyqtar anyqtaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir