20 Maýsym, 2020 Sport
prosports.kz
Orta salmaqtaǵy IBF jáne IBO chempıony qazaqstandyq boksshy Gennadıı Golovkın (40-1-1, 35 KO) Matchroom Boxing promoýterlik kompanııasynyń YouTube-tegi "The Lockdown Tapes" arnasyna bergen suhbatynda karerasyn aıaqtaý týraly suraqqa jaýap berdi.
"Qazir óz isimnen lázzát alamyn. Otbasym nemese jeke basyma qatysty ustanymdar keri tartpaıdy. Bokspen aınalysýǵa ýaqytym bar, odan rahattanamyn. Al bokstan lázzát almaı qalǵan ýaqytta bárin qoıatynym sózsiz. Sonymen qosa, densaýlyǵym syr bere bastasa da toqtatamyn.
Qazirgi tańda ózime jeterlikteı jaǵdaı jasadym. Biraq adamnyń jaratylysy sol, báribir az bolyp turady. Damytýǵa bolatyn túrli baǵyt bar – rekord, aqsha, jetistik, basqa da – ne qalaıtynyńa baılanysty.
Ál ázirge qarapaıym adamnyń ómirin keshetinimdi elestete almaımyn. О́ıtkeni ishtegim, boksqa umtylysym eshqashan ólmeıdi. Qazir kórsetip jatqanym menimen máńgi qalady, adam ózgermeıdi" – dedi Golovkın.
38 jastaǵy Golovkın 2006 jyldan beri kásipqoı boksta júr. Ol osy ýaqytqa deıin 42 jekpe-jek ótkizgen. Onyń 40-ynda jeńiske jetti, bir ret teń túsip, bir ret utylyp qaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir