• USD 468.56

  • EUR 497.56

  • RUB 7.3

  • CNY 67.18

28 Naýryz, 16:08:08
Almaty
+35°
Túrkistan oblysynyń polıseıleri "Qarasora" jedel-profılaktıkalyq is-sharasy barysynda alty esirtki alqabyn anyqtady. 1 maýsymda bastalǵan keń aýqymdy shara 31 qazanǵa deıin jalǵasady, dep habarlady Ishki ister mınıstrliginiń resmı saıty.
 
Shara aıasynda Túrkistan oblysy PD Esirtki qylmysyna qarsy is-qımyl basqarmasynyń qyzmetkerleri QR IIM Esirtki qylmysyna qarsy is-qımyl departamentimen birlese otyryp, shekara mańyndaǵy aýmaqtardy, taýly jáne jazyq jerlerdi, sondaı-aq ózenderdiń jaǵalaýlaryn aralap shyqty. Otyrar aýdanynyń aýmaǵynda júrgizilgen is-sharalar nátıjesinde, Maıatas aýylynan 10 shaqyrym jerde 30 sharshy metr aýmaqtaǵy qarasora esirtki zaty anyqtaldy. Jedel ýákilder zattaı dáleldemeler retinde quramynda esirtki bar 1200 túp ósimdikti alyp, saraptamaǵa jiberdi.

Jedel-izdestirý is-sharasy barysynda polısııa qyzmetkerleri Túrkistan qalasynyń turǵynyn ustaǵan. Ustalǵan kúdiktiniń úıin tintý kezinde odan quramynda esirtki bar qarasora ósimdiginiń uryǵy, tarazy jáne basqa da aıǵaqty zattar tárkilendi. Atalǵan jaıt boıynsha QR QK-niń 300-baby 2-bólimi (Quramynda esirtki zattary bar ósirýge tyıym salynǵan ósimdikterdi zańsyz ósirý) boıynsha sotqa deıingi tergeý amaldary júrgizilip jatyr.

Budan bólek, Túrkistan oblysynyń polıseıleri quramynda esirtki zattary bar ósirýge tyıym salynǵan bes egistikti taýyp, joıdy.

Jedel ýákilder esirtki egetinderden quramynda esirtkisi bar jalpy jıyntyǵy 1000-nan astam túp sora ósimdigin tárkiledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir