• USD 412.55
  • EUR 465.73
  • RUB 5.79
  • CNY 58.91

19 Maýsym, 2020 NEWS

Shymkentte karantın rejımi shildege deıin sozyldy

Ashyq derekkóz

Shymkentte karantın shekteýleri 6 shildege deıin uzartyldy. Bul týraly koronavırýsqa qarsy shekteý sharalary jóninde ótken brıfıngte qala ákiminiń birinshi orynbasary Erbol Sadyr málimdedi.

– Qalamyzda shekteý sharasy 22 maýsymǵa deıin edi. Endi karantın 6 shildege deıin sozylyp otyr. Odan bólek, keıbir shekteý sharalary engiziledi. Arnaıy toppen qoǵamdyq kólikter men qoǵamdyq oryndardy aralap shyqtyq. О́kinishke qaraı, saqtyq sharalary durys saqtalmaǵan. Munyń bári qaladaǵy epıdemıologııalyq jaǵdaıdyń kúrdelenýine ákelip soǵady. Osyǵan baılanysty demalys kúnderi qaladaǵy keıbir nysandar óz jumysyn toqtatady. Iаǵnı, senbi, jeksenbi kúnderi barlyq azamattar óz otbasymen úıinde otyrýy kerek. Eger biz osyndaı sharalardy saqtamaıtyn bolsaq, koronavırýsty aýyzdyqtaý múmkin emes. Aldaǵy 20-21 maýsymnan bastap qaladaǵy oıyn-saýyq ortalyqtary, iri saýda oryndary, bazarlar, saýda úıleri men ortalyqtary, fıtnes ortalyqtary, basseınder jáne sport nysandarynyń jumysy toqtaıdy. Bul tek senbi, jeksenbi kúnderi. Osy oraıda kópqabatty turǵyn úılerdiń aýmaǵyndaǵy azyq-túlik jáne qaladaǵy kóterme bazar «Jibek joly» men «Qazybek» bazary jumysyn isteıdi, – dedi qala ákiminiń birinshi orynbasary.

Ol óz sózinde, qoǵamdyq tamaqtaný oryndarynyń jumysy toqtaıtynyn jáne tek qana ashyq dalada tamaqtaný orny bar sanıtarlyq normalardy saqtaǵan oryndar ǵana óz jumysyn jalǵastyratynyn atap aıtty.

Al, qoǵamdyq kólik senbi, jeksenbi kúnderi tolyq toqtaıdy. Basqa kúnderi merzimine shekteýler engizilip, tańǵy saǵat 07:00-den 11:00-ge deıin jáne tústen keıin 17:00-den keshki saǵat 20:00-ge deıin ǵana júredi.

– 22 maýsymnan bastap HQO jáne jumyspen qamtý ortalyǵynyń jumysyna da shekteý qoıylady. Olar tańǵy saǵat 08:00-den 12:00-ge deıin ǵana jumys isteıdi. Onyń ózinde onlaın kórsetilmeıtin qyzmetterdi ǵana iske asyrady. Munda keletin azamattar onlaın kezekke turýy kerek. Sonymen qatar, halyq kóp jınalatyn kósheler, arbattar, skverler, sporttyq jáne balalarǵa arnalǵan alańshalar, týrıstik oryndar, saıabaqtardyń barlyǵy jumysy toqtatady. Odan bólek, qaladaǵy ofıste, memlekettik mekemelerde jumys jasaıtyn kásiporyndardyń barlyǵyna jumysshylarynyń 80%-na deıin onlaın rejımde jumys isteýge kóshý týraly sheshim qabyldanǵan, – dedi qala ákiminiń birinshi orynbasary.

Atalǵan shekteý sharalardyń barlyǵy turǵyndardyń densaýlyqtarynyń saqtaý úshin jasalyp jatqanyn atap ótti.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir