Almatyda blokbeketter qaıta qoıyla ma?

Almatyda sońǵy eki aptada koronavırýs juqtyrǵandar eki esege kóbeıip, ınfeksııalyq stasıonarlardyń 95 paıyzy tolyp tur. Bul týraly búgin ótken brıfıng kezinde  qalanyń bas sanıtar dárigeri Jandarbek Bekshın aıtty. 

"Qazir qalada koronavırýs ınfeksııasyna baılanysty ahýal kúrdelenip ketti.  Indet juqtyrǵandardyń sany kúrt ósip barady. Sońǵy eki aptada ıaǵnı, 3 maýsymnan bastap qalada koronavırýs ınfeksııasyn juqtyrǵandar eki esege kóbeıdi. Infeksııalyq stasıonardaǵy oryndardyń 95 paıyzy bos emes. Qazir aýrýhanada jazylǵandardyń ornyna jańa naýqastar kelip jatyr" dedi Bekshın. 

Onyń sózinshe, Almatyda demalys kúnderi iri saýda oryndary men bazarlar jabylady, biraq blokbeketter qaıta qoıylmaıdy. 

"Koronavırýs ınfeksııasynyń taralýyna jol bermeý maqsatynda osy senbi-jeksenbi kúnderi qaladaǵy iri saýda oryndary men bazarlar jabylady. Biraq blokbeketter qaıta qoıylmaıdy, qala jabylmaıdy. Qarjy ortalyqtary, bankter jáne halyqqa qyzmet kórsetý ortalyqtarynyń jumysy toqtamaıdy. Syrtqy perımetrde eshqandaı beket joq. Sondyqtan qala turǵyndary jáne oblys turǵyndaryna qalaǵa kirýge jáne shyǵýǵa eshqandaı kedergi joq " dedi qalanyń bas sanıtary.